Забур 148:1-14 CHE2012 - Bible AI

¹Хастам бу Везачу Элана! Хаставейша Веза Эла стигалшкара, хаставейша Иза стигалан лакхенашкара.

²Хаставейша Иза Цуьнан дерриге а маликаша, хаставейша Иза Цуьнан дерриге а эскаро.

²

³Хаставейша Иза малхо а, батто а, хаставейша Иза дерриге а лепачу седарчаша а.

⁴Хаставейша Иза уггар лекхачу стигалша а, иштта хӀаваан тӀехула долчу хиша а.

⁴

⁵Хастайойла цара Везачу Элан цӀе, хӀунда аьлча Цо омра дира, ткъа уьш кхоллаелира.

⁶Абаденналц уьш дӀахӀиттийна Цо. Цкъа а дӀадовр доцу парз дина Цо.

⁶

⁷Хаставейша Веза Эла лаьттара хьала, хӀорда чуьра саьрмикаша а, хин массо а кӀоргенаша а,

⁸стелахаьштиго а, къорано а, лоно а, мархаша а, Цуьнан дош кхочушдеш болчу чехкачу мохо а,

⁹лаьмнаша а, массо гунаша а, массо стом луш долчу дитташа а, дерриге баганан дитташа а,

¹⁰акхароша а, муьлххачу даьхнино а, лаьттарчу текхаргаша а, тӀемаш долчу олхазарша а,

¹¹лаьттарчу паччахьаша а, массо а къаьмнаша а, элаша а, лаьттарчу массо а тхьамданаша а,

¹²къонахоша а, йоӀарша а, баккхийчара а, бераша а.

¹²

¹³Хастайойла цара Везачу Элан цӀе, хӀунда аьлча Цуьнан цхьаннан цӀе ю хьалаяьккхина, Цуьнан сийлалла ю лаьттана а, стигалшна а тӀехула.

¹⁴Цо Шен халкъ, маӀа санна, нуьцкъала хилийтира, хастамаш бан бахьана хӀоттийра Шена тешаме мел болчарна — Шена уллора халкъ долчу исраилхошна.

¹⁴Хастам бу Везачу Элана!