Забур 59:1-14 CHE2012 - Bible AI

¹ [67] Эшарш локхучу тобанан куьйгалхочуьнга: «Бертан лили» олучу мукъамехь ала езаш ю. ХӀара хьехаме назма Дауда язйинера,

²ша Арам-НахӀараим-махкахь [68] а, Цоба-махкахь [69] а арамхошца тӀом бечу хенахь а, Йоаба, цигара юха а вирзина, Дуьрачу тогӀи чохь шийтта эзар эдомхо хӀаллаквинчу хенахь а.

²

³Ва Дела! Ахь дӀатесна тхо, Ахь дохийна тхо. Хьо оьгӀазвахана тхуна — хӀинца юхаметтахӀоттадехьа тхо!

⁴Ахь латта ластийна, Ахь иза дохийна. Цуьнан йоьхна меттигаш меттахӀиттаехьа, хӀунда аьлча иза лесташ ду.

⁵Ахь Хьайн халкъана къизалла йовзийтина, тхо дӀасатехкадолуьйту чагӀар малийна Ахь тхуна.

⁶Хьайга ларамах буьзначарна Ахьа байракх хьалаайина, уьш Ӏодах кӀелхьарбовлийтархьама.

⁷Хьайн аьтту куьйгаца тхо кӀелхьар а дахахьа, оха деш долу доӀанаш дӀа а хазахьа, Хьайна безнарш паргӀатбовлийтархьама.

⁷

⁸Дала Шен езачу меттехь аьлла: «Толамах воккха а веш, Аса Шехем-гӀала а йоькъур ю, Сакхат-тогӀи а дӀасайоькъур ю.

⁹ГалӀад-мохк а Сан бу, Маннаш-мохк а Сан бу, Эпрайм-мохк Сан коьртан чӀагӀо ю, ЯхӀуд-мохк — Сан паччахьаллин гӀаж ю.

¹⁰Муаби-мохк — Сан юьхь-куьгдуьлург ю. Эдом-махкана тӀе Сайн мача кхуссур ю Ас, иза Сайн хилар дӀагайтархьама. Хьайн аз айадай, Соьга кхайкха, ПӀелаштам-мохк!»

¹⁰

¹¹ЧӀагӀйинчу гӀали чу хьан воккхур ву со? Эдом-махкана тӀе хьан вуьгур ву со?

¹²Тхо дӀатеснарг Хьо-м вац те, ва Дела? Тхан эскаршца аравер вац те Хьо, ва Дела?

¹³ГӀо дехьа тхуна мостагӀех тхаьш лардайта, хӀунда аьлча пайден дац адамашкара хуьлуш долу гӀо.

¹⁴Делаца цхьаьна оха толам боккхур бу, тхан мостагӀий Цо дӀахьошур бу.