1Iwe, lon ewe fansoun Hiskia a samau o arap ngeni an epwe mäla. Ewe soufos Aisea nöün Amos we a feito ren o üreni, “Iei alon ewe Samol mi Lapalap, ‘Kopwe amola om amürinimä, pun kopwe mäla, nge kosap pöchökülsefäl.’”
2Mürin, Hiskia a kul ngeni etipen rumwan o iotek ngeni ewe Samol mi Lapalap.
3Iwe, a apasa, “Ai Samol mi Lapalap, üa tüngor ngonuk, kose mochen kopwe chechemeni pwe seni unusen letipei üa angang ngonuk fän allükülük, üa pwal föri mine a pwüng me reöm.” Iwe, Hiskia a fokun kechüangau.
4Mürin, ewe Samol mi Lapalap a allük ngeni Aisea,
5“Kopwe liwiniti Hiskia nei aramas o üreni pwe iei aloi ngang ewe Samol mi Lapalap än an we lewo Tafit we Kot: Üa rong om iotek, üa pwal küna om kechü. Iei üpwe apacha ngeni ränin manauom pwal engol me limu ier.
6Iwe, üpwe angasok seni ewe kingen Asiria, üpwe pwal angasa ei telinimw o tümwünü.”
7Iwe, Aisea a üreni, “Ewe Samol mi Lapalap epwe ngonuk eu asisil, pwe epwe apwönüetä mine a eäni pwon ngonuk.
8Epwe aliwinisefäliela nürün ewe wok ngeni engol kinikin me won än Ahas we lenien aükük fansoun.” Iei mine akkar a liwinsefäl ngeni ekewe engol kinikin a fen palala me won ewe lenien aükük fansoun.
9Iwe, mürin än Hiskia pöchökülsefäl seni an samau, a föri echö köl o maketiu:
10Üa ekieki pwe leoloasen ränin manauei üpwe mäla,
11Iwe, üa apasa, lupwen üa samau,
12Manauei a feil seniei usun eu imw mangaku a tomola.
13Üa siö tori a ränila pwe eman epwe alisiei.
14Iwe, üa tikitik usun eman ekiek ika eman kawakaw,
15Nge met ngang üpwe apasa? Kot a kapas ngeniei, nge i a pwal püsin föri ei.
16Ai Samol, ngang üpwe manau reöm, kopwe akinamwei letipei.
17Ellet, ren watten ai riaföü üa küna feiöch,
18Iwe, lenien sotup esap tongeni kilisou ngonuk, nge mäla esap
19Nge chokewe chök mi manau ra kilisou ngonuk
20Ewe Samol mi Lapalap a amanauaei.
21Iwe, Aisea a apasa, “Oupwe uwato eu tükütükün safei seni uän ewe irä fiik o isetä won machen Hiskia pwe epwe pöchökülsefäl.”