1Iwe, ewe Samol mi Lapalap a apasa,
2Ngang ewe Samol mi Lapalap üa föruk
3Üpwe ninätiu koluk won fanüen chon kaka,
4Repwe märitä usun chök fetil lon leni mi nüküchöchön,
5Iwe, eman epwe apasa, ‘Ngang nöün ewe Samol mi Lapalap,’
6Iei alon ewe Samol mi Lapalap, ewe Kingen Israel
7Iö a wewe ngeniei? Epwe ütä o pwärätä fän mesei.
8Nei aramas, ousap fokun niuokus.
9Iwe, ir meinisin mi föri uluulun anümwäl esap wor aüchear, esap pwal wor lomoten ekewe mettoch ra aücheani. Iwe, chon fel ngeni ekewe uluulun anümwäl ra chun o wewengau. Iei mine repwe lichipüng o säw.
10Eman mi falei eu uluulun kot ika föri eu uluulun anümwäl seni mächä pwe epwe fel ngeni, esap fokun wor lomotan.
11Iwe, i me chiechian kewe meinisin repwe lichipüng o säw. Ekewe soufalafal ra aramas chök. Repwe mwichefengen meinisin o ütä lon kapwüng. Nge repwe fokun niuokus, repwe pwal lichipüng o säw.
12Iwe, eman chon wüsi mächä a apwichi ewe mächä won ekkei o amaani. A angang won ren pöchökülen pöün pwe epwe fis eu uluulun anümwäl mi lapalapöch. Ren an achocho a echik o apwangapwangala, a pwal malülü ren an esap ün koluk.
13Nge eman soufalafal a aükü ewe irä ren an selin aükük o akiänni ren efoch piin, a pwal siseli ren nöün sisel. Iwe, a alapalapa ewe irä ngeni uluulun eman aramas mi fokun äteöch o aütai lon eu imw.
14Iwe, a pöküela irä setar ika afili efoch irä saipires ika ook ika efoch lein ekewe irän wöllap. A pwal fotuki efoch irä setar o witiwiti püngün üt pwe epwe märitä.
15Mürin, eman aramas a eäni och amwüch seni ewe irä. Iwe, a angei och pwe epwe aküw o arara ngeni, a pwal eäni amwüch pwe epwe umuni pilawa. Nge och a angei pwe epwe falei eu uluulun anümwäl seni o fel ngeni.
16Iwe, a keni eu kinikinin ewe irä, a amwota ochan fituk won, a ochoch o möt ren. A pwal püsin rar ren o apasa, “Oo, üa mefi kinamwe ren pwichikaren ei ekkei.”
17Nge seni lusun ewe irä a falei eu uluulun anümwäl fän äsengesin, a chapetiu mwan o fel ngeni, a pwal iotek ngeni o apasa, “Kopwe amanauaei, pun en ai kot.”
18Iwe, ekei aramas resap silei och, resap pwal wewe ren, pun Kot a achuna meser pwe resap tongeni küna, a pwal apüngü letiper pwe resap tongeni wewe.
19Iwe, esap wor eman a ekieki usun, esap pwal wor än eman sile me mirit pwe epwe apasa, “Eu kinikinin ewe irä üa keni lon ekkei, üa umuni pilawa won, üa pwal amwota ochäi fituk won o ochei. Ifa usun, üpwe föri seni ewe lusun irä eu uluulun anümwäl mi fokun anioput? Ifa usun, üpwe chapetiu mwen esop sopun amwüch?”
20Ei sokun aramas a wewe ngeni eman mi mongö falangen ekkei pwe epwe manau ren. Iwe, ren ekiekin letipan mi rikirik a tokola pwe esap tongeni püsin angasa, esap pwal aisini, “Ifa usun, esap och minen atuputup mine üa amwöchü lepei?”
21Iwe, ewe Samol mi Lapalap a apasa,
22Üa amorala om tokotokongau usun eu kuchu,
23Oupwe köl fän pwapwa, ämi läng,
24Iei alon ewe Samol mi Lapalap om Chon Amanau a föruk,
25Ngang ätewe mi apatala manen ekewe soufos chofana
26Nge lupwen nei chon angang a osuni och,
27Iwe, üa üreni alololun matau,