1Nge ekewe aramas mi nom lon riaföü resap nonomfochofoch lon rochopwak. Me lom Kot a atekisonätiu ewe fanü Sepulon me Naftali, nge lon fansoun mwach epwe alinga ei fanü seni ewe al mi ale ngeni ewe matau watte tori ewe fanü pekilan ewe chanpupu Jortan, pwal tori ewe fanü Kaliläa, ia ekewe chon lükün Israel ra nom ie. + 9.1 Mat 4.15*
2Iwe, ekewe aramas mi fetal lon rochopwak
3En ka achomonga pwapwan ekewe aramas
4Pun ka kupi ewe waas mi chou won afarer
5Iwe, iteiten ipwen sounfiu sus
6Pun eman mönükol a uputiu rech.
7Iwe, nemeneman epwe chök wattela,
8Iwe, ewe Samol a tinala kapasen apwüng ngeni ewe mwün Israel, ir ekewe mwirimwirin Jakop.
9Iwe, ekewe aramasen Israel me chon Samaria meinisin repwe mefi pwe Kot a föri ei. Iei ra apasa fän ar sikesik me lamalamtekian letiper,
10“Ekewe imwepwül ra turula, nge sipwe chök aüetä imwesimen. Ekewe irä sikamor ra tala, nge sipwe chök siwili ngeni irä setar.”
11Nge ewe Samol mi Lapalap a amwökütü chon oputeer pwe repwe maun ngeni Israel.
12Ekewe chon Siria mi nom ötiu me ekewe chon Filistia mi nom lotou ra amasala awer o oromala Israel. Iwe, lon ekei feiengau än Kot song esap kisikisila, nge pöün a chüen afeiengaueer.
13Nge ekewe chon Israel resap ekieksefäl. Inamwo ika ewe Samol mi Unusen Manaman a feiengaueer, nge resap kul ngeni.
14Iei mine ewe Samol mi Lapalap epwe apwüngü ekewe souemwenin Israel me aramasen lon, epwe pöküela möküran me wükün lon eu chök rän.
15Iwe, ekewe souakom me ekewe aramas tekia ra wewe ngeni möküren Israel, nge ekewe soufos chofana ra wewe ngeni wükün.
16Pun chokewe ra emweni ekei aramas ra atokerela, nge chokewe mi tapwela mürir repwe feiengau.
17Iei popun ewe Samol esap echika nöür alüal, esap pwal tongei chokewe mi mäsen me ekewe fefin mi mä pwülüer. Pun ir meinisin resap niueiti Kot, ra pwal föföringau, nge kapasen awer a ngau. Iwe, lon ekei feiengau än Kot song esap kisikisila, nge pöün a chüen afeiengaueer.
18Ellet, än ekewe aramas föföringau a ngetenget usun ekkei, a ngeteri pötöwölingau me iräfölüföl, a kenala ewe wöllap pwe eu kuchun ötüöt a ötütä seni.
19Pokiten än ewe Samol mi Unusen Manaman song ewe fanü a karala, nge ekewe aramas ra usun chök amüch lon ekkei. Esap wor eman a tongei pwiin.
20Ra anenefetal ener mongö ekis meinisin, nge ra chüen echik. Ra mongö ekewe äkäekis mongö ra küna, nge resap mötüla ren. Ra mwo nge ochei en me püsin nöün.