1“Nengeni, mesei a fen küna ekei mettoch meinisin,
2Mine oua silei, ngang üa pwal silei,
3Nge ngang üpwe kapas ngeni Ewe mi Unusen Manaman,
4Nge me remi, ämi oua aöchü mettoch ren ämi kapas chofana,
5Amwo ämi oupwe fanafanala. Ren ei oupwe tipachem.
6Iei oupwe rongorong ai kewe kapasen eii,
7Ifa usun, oupwe kapas mwäl fän iten Kot
8Ifa usun, oua mochen peni Kot ren ämi lifilifil ngeniei,
9Are Kot epwe etittinakemi, ifa usun, epwe küna och mi mürina remi?
10Epwe fokun apwüngükemi,
11Ifa usun, an manaman esap aniuokusukemi,
12Ämi kapasen mwiitun ra lomotongau usun chök falang,
13Oupwe fanafanala o mwüt ngeniei pwe üpwe kapas,
14Ngang üa molotä pwe üpwe fangala manauei.
15Inamwo ika Kot epwe nieila, üpwe chök anomu ai apilükülük won.
16A tongeni fis pwe ai pwora epwe amanauaei,
17Oupwe fokun aüselinga ai kewe kapas,
18Iei üa molotä pwe üpwe pwärätä usi,
19Iö epwe tongeni atipisiei?
20Ai Kot, kopwe chök mwüt ngeniei ruu mettoch,
21Kopwe asü poum seniei
22Mürin kopwe kökköriei, nge ngang üpwe pälüeni.
23Ifa ükükün ai kewe föföringau me ai kewe tipis üa föri?
24Pwota ka aopala mesom seniei
25Ifa usun, kopwe aniuokusuei?
26Pun ka awora kapasen tip ngeniei mi fokun weires,
27Ka anüküchara pechei lefilen irä