1Mürin, Elifas ewe re Teman a pälüeni Hiop,
2“Ifa usun, eman mwän mi tipachem epwe eäni kapasen pälüen mi pöön chök
3Ifa usun, epwe anini won kapas esap wor lomotan,
4Nge en ka pinei än ekewe aramas repwe niuokusiti Kot
5Pun om föföringau a pwä ren mine ka apasa,
6Kapasen awom a atipisuk, sap ngang,
7Ifa usun, en aemanün aramas mi uputiu?
8Ifa usun, ka nom lon än Kot mwichen pwüngüwüng o aüselinga mine ra pwüngüpwüng won?
9Ifa usun, met en ka silei, nge äm aisap silei?
10Äm aia kaiö seni ekewe mwän mi pwech mökürer me ekewe chinlap,
11Ifa usun, kosap menemen ren än Kot kewe kapasen achipachip,
12Met a kupeti lelukom? Nge pwota mesom a afochofoch ngenikem?
13Ka song ngeni Kot o tipimwäl ngeni ren ena sokun kapas?
14Ifa usun, eman aramas a tongeni limöch?
15Ika Kot esap lükü nöün kewe mi pin,
16epwe fen ifan eman aramas mi kon anioput o fokun ingau,
17Hiop, kopwe aüseling mine üpwe ürenuk,
18Üpwe ürenuk mine chon tipachem ra apworausa,
19(Ir echök ra fanüeni ewe fanü,
20Eman aramasangau mi ariaföüü aramas epwe chök riaföü fochofoch lon unusen ränin manauan.
21A rongorong sokopaten ngingi mi fokun aniuokus,
22Esap wor an apilüköch pwe epwe tongeni sü seni rochopwak,
23A fetalfeil pwe epwe kütta anan mongö o ais, ‘Ia a nom ie enei mongö?’
24Riaföü me eniweniw ra aniuokusu ewe aramasangau,
25pun a aitietä pöün o pälüeni Kot,
26o säpuropur ngeni fän an tittin maun mi malül.
27A kinupunup won mesan o kitinup won wänükün.
28Nge epwe imweimw lon telinimw mi tala
29Ätei esap nonomotam lon an pisekisek,
30Esap tongeni süla seni rochopwak.
31Amwo esap püsin atupu i ren an anomu an lükülük won mine a lomotongau.
32Epwe angei unusen liwinin me mwen epwe tori an fansoun.
33Epwe wewe ngeni efoch irän wain mi amorätiu föün resamwo nup,
34Esap wor mwirimwirin ewe mwichen chon resap aleasochisi Kot,