1“Pwota Ewe mi Unusen Manaman esap awora eu fansoun kapwüng,
2Ekewe aramasangau ra amwökütü kiännin fanü.
3Ra angei ewe aas nöün ewe mi mäsen,
4Ra epeti seni ekewe chon wöüngau ar pwüüng,
5Ekewe chon wöüngau ra feila ngeni ar angangen kütta ener
6Ra rusifengeni enen ekewe man fetil lon ekewe mälämäl
7Lon unusen pwin ra kon fän selela, pun esap wor üfer,
8Ra chöchön ren püngün üt me won ekewe chuk,
9Mi wor ekoch aramasangau ra angei mönükol mi mä semer seni
10Nge ekewe chon wöüngau ra fetalfeil fän üfer mi kamwakam.
11Ra üchüch föün olif lon ekewe lenien üchüch än ekewe aramasangau,
12Aramas ra rongorong ngüngün chokewe mi arap ngeni mäla seni lon ekewe telinimw,
13Mi wor chokewe mi ü ngeni ewe saram,
14Eman mi niela aramas a pwätä ünümweerän
15Ewe chon lisowu a witiwit tori an epwe pwinila.
16Lon fansoun kiroch chon solä ra ataelong ekewe imw,
17Iwe, rochokichin rochopwak a wewe ngeni lesosor me rer meinisin,
18Ekewe aramasangau ra müttir pula ren ekewe koluk.
19Usun pwasapwas me pwichikar ra amorätä ekewe koluk seni sno,
20Pwal ekewe inelap mi nöüniir ra manlükirela,
21Ra manau seni fefin mi rit esap wor nöür,
22Kot a angeala manauen ekewe chon pwora ren an manaman.
23A fang ngeniir kinamwe, pwe ra ekieki pwe ra nonomöch,
24Ekewe aramasangau ra tekiatä lon fansoun mochomoch,