1“Ellet mi wor eu lenien silifer fän pwül,
2Aramas ra atowu mächä seni fän pwül,
3Aramas ra awesi rochopwak,
4Ra tuw pwang mi alolol lon ekewe lemol.
5Irän mongö ra märitä won pwül,
6Ekewe fau aüchea iter safaia ra nom lon ekewe fau,
7Esap wor eman machang mi mwacho a silei ewe al mi aletiu fan,
8Ekewe manmwacho mi pwora resap fetal won,
9Aramas ra amökkü ekewe achau mi fokun pöchökül
10Ra tuw al lon ekewe achau
11Ra pinei michchin ekewe koluk pwe resap mich,
12Nge ia sipwe küna me ie tipachem?
13Aramas resap silei aüchean tipachem,
14Ewe leni mi alolol a apasa, ‘Tipachem esap nom loi,’
15Sisap tongeni kamö ren kolt ika liwini ngeni silifer.
16Tipachem a kon aüchea seni ewe kolt seni Ofair
17Kolt me kilas mi aüchea resap wewe ngeni aüchean tipachem,
18Sisap tongeni awewe ngeni tipachem eengin leset ika kilas mi molupolup,
19Ewe fau aüchea itan topas seni Itiopia esap tongeni wewe ngeni,
20Ian chök tipachem a feito me ie?
21A opola seni mesen mönümanau meinisin
22Ewe leni mi alolol me mäla ra apasa,
23Kot echök a silei ewe al ngeni tipachem,
24Pun a nenengeni lesopun fanüfan
25Lupwen Kot a awora ngeni asepwäl an pöchökül
26lupwen a föri allük fän iten püngün üt
27iei otun a küna tipachem o pwärätä usun,