1Iwe, Hiop a sopwela an pworaus o apasa,
2“Amwo manauei iei epwe usun chök manauei me lom,
3lupwen a nom rei fansoun meinisin,
4Amwo manauei epwe usun chök lon fansoun ai pöchökül,
5lupwen Ewe mi Unusen Manaman a chüen rom rei,
6lupwen a wor chomong ünümei milik,
7Lupwen üa feila ren asamalapen ewe telinimw
8ekewe alüal ra künaei o nimärämärsefäl,
9Ekewe samol ra ükütiu le kapas o pwölü awer ngeni pöür,
10ekewe chon itetekia mwo nge ra osokükünüela mwelier,
11Chokewe mi rongorong usi ra apasa pwe üa feiöch,
12pun üa angasala ekewe chon wöüngau mi siö,
13Chokewe mi arap ngeni ar repwe mäla ra afeiöchüei,
14Üa aüföüfa ngeniei pwüng,
15Ewe chon chun a meseniei,
16Üa eman sam ngeni ekewe chon wöüngau,
17Üa aükätiu pöchökülen ekewe chon pwüngingau
18Üa ekieki pwe ränin manauei repwe chomongola usun föün pien aroset,
19Üa wewe ngeni efoch irä mi töla waran lon ekewe koluk,
20Aramas meinisin ra mwareitiei fansoun meinisin,
21Aramas ra aüselingaei,
22Wesin ai kapas resap chüen fossefäl,
23Ra witiwitiei usun ar witiwiti püngün üt,
24Üa emelimen ngeniir, lupwen esap wor ar apilükülüköch,