1“Nge iei, ekewe mwän mi ierkükün fai ra urumwoteei.
2Met lomoten pöchökülen pöür ngeniei?
3Ra asüngürü waren ekewe irä lon fanüapö,
4Ra fichi chön ewe irä malow me chön ekewe sokopaten irä pwe ener mongö,
5Aramas ra asürela me leir,
6Ra imweimw won palen ekewe lemol,
7Ra wörüwör me lein ekewe irän lemäl
8Ir nöün chokewe esap wor lomoter,
9Nge iei ir ra kölüei lon ar kölün turunufas
10Ra nioput ngang o nonom toau seniei,
11Pokiten Kot a apwangapwangaei o atekisonaei,
12Eu mwichen aramas mi akürang a fiu ngeniei me pelifichi.
13Ra pinei ai al, pwe üsap tongeni sü,
14Ra tolong usun chök ar tolong lon eu pwang mi chölap,
15Eniweniw a pwölüeila,
16Nge iei üa arap ngeni mäla,
17Lepwin chüi ra cheuch,
18Kot a turufi üfei fän pöchökül mi lapalap,
19Kot a aturueilong lon ewe pwakak,
20Üa siö ngonuk, ai Kot, nge kosap pälüeniei,
21Ka kulitiei o fokun ariaföüüei,
22Ka uweeitä lon asepwäl o föri pwe üpwe ässila,
23Ewer, üa silei pwe kopwe emweniei ngeni mäla,
24Ifa usun, eman aramas mi kokotiu lon riaföü esap aitietä pöün
25Ifa usun, üsap kechüeiti ätewe mi nom lon riaföü?
26Nge lupwen ngang üa asüküsükü feiöch, feiengau a toriei.
27Lelukei a fitikoko, nge esap manasösö,
28Üa fetalfeil fän letipeta, nge esap wor ai chip.
29Üa pwiini ekewe kolak mi mwacho,
30Ünüchei a cholola o säre seniei,