1“Üa föri eu pwon ngeni mesei
2Met wisei me ren Kot,
3Ifa usun, feiengau esap feitiu won eman chon pwüngingau,
4Ifa usun, Kot esap silei meinisin mine üa föri
5Üa pwärätä pwe üsap föri föför mi mwäl,
6Kot epwe kiloniei won eu kilo mi pwüng,
7Are pechei a tokola seni ewe al mi pwüng
8mürin üpwe fofot, nge eman epwe eni,
9Are üa mocheniaiti pwülüen chon ari,
10mürin pwülüei epwe üsüs föün wiich fän iten pwal eman mwän usun eman amanau,
11Pun ekiekekin fefin eu föför mi fokun ingau,
12a usun chök eu ekkei a külong lon ewe leni mi alolol,
13Are üa amwöchü seni nei chon angang mwän ika chon angang fefin ar pwüng,
14mürin met üpwe föri, are Kot epwe ü ngeniei?
15Ifa usun, Kot mi föriei esap pwal föriir?
16Ifa usun, üa amwöchü seni ekewe chon wöüngau mine ra tüngor,
17Ifa usun, ngang echök üa eni enei,
18Apwi! Seni lealüali üa foleniir usun eman sam,
19Lupwen üa küna eman mi mwelele esap wor üfan,
20üa fang ngeni üf mi för seni ülöülen nei sip pwe epwe üföüf.
21Are üa amola ai üpwe angeetä won ewe mi mäsen,
22mürin chün afarei epwe imwü seni afarei,
23Pun üa niueiti än Kot apwüng,
24Ifa usun, üa anomu ai apilükülüköch won kolt,
25Ifa usun, üa sikesik pokiten watten wöüi,
26Ifa usun, üa fel ngeni akkar lupwen a tin,
27pwe lelukei a tokola lemonomon,
28Pwal ei epwe eu föför mi ngau ekewe soukapwüng repwe apwüngü,
29Üsap fokun meseik ren feiengauen ekewe chon oputaei,
30Ngang üsap tipis ren ai üpwe anümamaueer.
31Nei kewe chon angang meinisin ra silei
32Ekewe chon saifetal resap nomofetal won al lepwin,
33Üsap tukumala ai pupungau usun aramas ra föri,
34Üsap fokun niuokusiti mine ekewe aramas ra ngününgünüei won,
35Amwo a wor eman epwe aüselingaei. Iei sainin itei.
36Ellet, üpwe mwärei won afarei
37Üpwe aiteitä ngeni Kot meinisin mine üa föri lon manauei.
38Are üa tömwälilong lon eu fanü o angang won,
39are üa mongö uan, nge üsap möni mwo ewe fanü,