1Iwe, Elihu a sopwela le kapas,
2“Kopwe mwo witiwit ekis, mi chüen wor mine üpwe aiti ngonuk,
3Ai silelap a watte,
4Pun ellet, ai kewe kapas resap mwäl.
5Nengeni, Kot a manaman, nge esap oput eman.
6Esap amwöchü manauen eman aramasangau,
7A tümwünü ekewe chon pwüng seni feiengau,
8Nge are aramas ra fötek ngeni selimächä
9mürin, Kot a pwäri ngeniir ar föför me ar tipis pwe ra lamalamtekia.
10A suki selinger ngeni kapasen amirit
11Are repwe aleasochisi Kot o angang ngeni,
12Nge are resap mochen aüselinga,
13Iwe, chokewe resap aleasochisi Kot ra chök sossong.
14Ra mäla lealüalür,
15Nge Kot a angasa chokewe mi riaföü seni ar riaföü
16A pwal panukowu seni lon riaföü
17Nge iei Kot a apwünguk usun an apwüngü eman chon föföringau,
18Kopwe afäliik pwe esap wor eman epwe atupuk ren chomong wöü,
19Ifa usun, om siö ika unusen om pöchökül repwe alisuk seni riaföü?
20Kosap asüküsükü pwin,
21Kopwe afäliik pwe kosap kul ngeni föföringau,
22Nengeni, Kot a tekia lon an manaman.
23Iö a aiti ngeni mine epwe föri,
24Kopwe chechemeni pwe kopwe ingeiti an angang aramas ra kölü lon ar köl.
25Aramas meinisin ra küna mine a föri,
26Kot a fokun tekia, nge kich sisap tongeni weweiti.
27A angeatä ekewe chiin koluk seni won pwül
28Ewe üt a püngütiu seni läng
29Ifa usun, eman a tongeni weweiti usun an ameresala ekewe kuchu,
30Nengeni usun an atoropasa ekewe inefi ünükün
31Ren ekei sokun lapalap a apwüngü chon ekewe mwü,
32A amasoua pöün ren inefi