1Ren ei föün ngasangasei a chechech o mwöküt seni lenian.
2Oupwe fokun aüseling ngeni osomongun mwelien Kot,
3Unusen fän läng a öpüngü ewe chopulap
4Mürin ei, möngüngün a fokun osomong.
5Fän alon Kot mettoch mi echipwör ra fis.
6A kapas ngeni sno pwe epwe püngütiu won fanüfan,
7A aükätiu än aramas angang,
8Mürin, ekewe manmwacho repwe feila lon pwanger o nonom lon.
9Ewe mölümöl a feito seni ör,
10Ais a fis seni ngasangasen Kot,
11A amasoua ekewe kuchuchol ren koluk
12Ekewe kuchu ra kukulufeil fän emwenien Kot,
13A tinato ekewe kuchu pwe repwe amiriti aramas,
14Hiop, kopwe aüselingaei, kopwe üla
15Ifa usun, ka silei usun än Kot allük ngeni ekewe inefi
16Ifa usun, ka silei usun än ekewe kuchu äs?
17En ka pwichikar lon ufom,
18Ifa usun, ka tongeni ameresala läng usun i
19Kopwe aiti ngenikem mine aipwe üreni Kot.
20Ifa usun, eman epwe üreni Kot pwe ngang üa mochen fos?
21Iei aramas resap tongeni küna tinen akkar mi pwölüla ren kuchu.
22Seni efeng a tineto eu saram mi molupolup usun kolt.
23Sisap tongeni küna Ewe mi Unusen Manaman.