1Ifa usun, ka tongeni efi eman alikitor won efoch ö,
2Ifa usun, ka tongeni atikalong efoch säl lon pwötün
3Ifa usun, epwe tütüngor ngonuk pwe kopwe fäälimöch ngeni?
4Ifa usun, epwe föri eu pwonen atipeeu ngonuk
5Ifa usun, kopwe tongeni efisira usun om efisira eman machang,
6Ifa usun, ekewe chon attau repwe aninifengen won liwinin?
7Ifa usun, ka tongeni posu silin ngeni chomong fisika
8Are ka atapa i fän eu chök, kosap chüen atapasefäli,
9Eman aramas mi ekiekin akufu i epwe lichipüng.
10Esap wor eman a pwora pwe epwe tongeni apwökü.
11Iö a tongeni fiu ngeni, nge esap feiengau?
12Iei üpwe chök fos usun pechen ewe alikitor,
13Iö a tongeni asera seni silin
14Iö a tongeni ammasala awan
15Pwal won sökürün a wor telin ililin mi fokun kanefengen
16Ililin kewe ra fokun pachefengen
17Ra chufengen eu ngeni eu o akükfengen
18Lupwen a mwesi, a fiwu saram,
19A ngetewu ekkei me lon awan usun ngeten töl,
20Ötüöt a ötüwu seni lon pwötün
21Ngasangasan a tongeni akü mwoli,
22Üan a fokun pöchökül,
23Säsärin fitukan a fokun ngüt,
24Leupwan a pöchökül usun eföü fau,
25Lupwen a anangatä, ekewe chon pöchökül ra fokun niuokus,
26Esap wor efoch ketilas a tongeni akinasa,
27Mächä a usun chök apwangapwangen fetilipwas me ren,
28Esap tongeni süla ren ekewe föün esefich,
29Lifötüföt a usun chök fetilipwas me ren,
30Ililin lukan a usun chök tärupurupun mökkün sepi seni pwül,
31A kupeti ewe matau pwe a puropur usun koluk mi pwich lon eu kama
32A wor puropuren mwurifion.
33Esap wor och won fanüfan a wewe ngeni.