1Iwe, iei aüchean mine sia kapas usun: Sia eäni eman Souasor mi Lap a mot lepelifichin ewe mi Unusen Tekia lon läng. + 8.1 Kölf 110.1*
2I a angang lon ewe wisen souasor mi lap lon ewe Leni mi Unusen Pin, iei wesewesen ewe imwenfel seni mangaku ewe Samol a aüetä, nge sap aramas.
3Iteiten eman me eman souasor mi lap a kefilitä pwe epwe uwato sokopaten asor o eäni asoren man ngeni Kot. Iei mine ach we Souasor mi Lap epwe pwal fokun wor mine epwe eäni asor.
4Ika i epwe nonom won fanüfan, esap fokun wiseni ewe wisen souasor, pun mi wor souasor ra eäni asor ekewe lifang fän pwüngün än ekewe chon Juta allük.
5Ewe angang ra föri lon wiser wisen souasor a chök eu lios me ngünüen ekewe mettoch mi wor lon läng. Pwal iei chök usun mine a fis ren Moses. Me mwen an epwe aüetä ewe imwenfel seni mangaku, Kot a üreni, “Kopwe tümwünüfichi pwe kopwe föri meinisin lon lapalapen ewe lios ka küna me won ewe chuk.” + 8.5 Eks 25.40*
6Nge iei Jesus a angei ewe wisen souasor mi tekia seni wisen ekewe souasor mi lap, usun chök ewe pwon i a föri lefilen Kot me nöün kewe aramas a fokun aüchea seni ewe pwonen lom, pun a longolong won ekewe pwon mi fokun mürina.
7Pun are esap wor och mwäl lon ewe aeuin pwon, esap wor lomoten an epwe pwal wor eu aruen pwon.
8Nge lupwen Kot a küna mwälin nöün kewe aramas, a apasa,
9Ei pwon esap wewe ngeni ewe üa föri ngeni ar kewe lewo,
10Iwe, iei ewe pwon üpwe föri ngeni ekewe chon Israel
11Esap wor eman epwe aiti ngeni chon lenian,
12Pun üpwe amusala ar tipis,