1Iei esap chüen masou ewe telinimw Jerusalem mi ur ren aramas me lom.
2A selingüngü lepwin, chönün mesan ra suputiu won sapan.
3Chon Juta ra oola o nom lon riaföü me angang weires.
4Ekewe al mi ale ngeni Sion ra pönüla, pun esap chüen wor eman mi fetal wor ngeni ekewe chulap mi kefil.
5Chon oputen Sion ra fefeitä, ra aposu fän ar nemenem.
6Ekewe ling meinisin ra sü seni Sion.
7Lupwen Jerusalem a riaföü, a chechemeni an kewe pisek mi aüchea a eäni me lomlom.
8Jerusalem a fokun tipis, iei mine a wesewesen limengau.
9An limengau a nom lon üfan, nge i esap ekieki an feiengau.
10Ekewe chon oputan ra angeala än Jerusalem pisek mi aüchea meinisin.
11Nöün kewe aramas meinisin ra ngüngü, lupwen ra kütta ener mongö.
12“Ifa usun, ämi meinisin mi pwerela ünüki ousap ekieki usun ei feiengau?
13A tinato ekkei seni läng, a kü me leuti.
14Ewe Samol mi Lapalap a küna ai kewe tipis meinisin,
15Ewe Samol mi Lapalap a esita nei kewe sounfiu mi pwora meinisin mi nom rei.
16Üa kechü pokiten ekei mettoch, chönün mesei a fokun watte supun.
17Üa aitiewu pei, nge esap wor eman a alisiei.
18Ewe Samol mi Lapalap a pwüng, nge ngang üa aleasolap ngeni an kapas.
19Üa kökköri peliei, nge resap mochen alisiei.
20Ai Samol mi Lapalap, kopwe nenengeni ai riaföü.
21Aramas ra rongorong ai ngüngü, nge esap wor eman a achipaei.