1Ewe Samol a uwato rochopwak won Sion lon an song.
2Ewe Samol a ataela imwen ekewe mwirimwirin Jakop meinisin, nge esap eäni tong.
3A atatakisi pöchökülen Israel meinisin lon an song mi fokun watte.
4A äpera an likepich ngenikich usun eman chon oputach,
5Ewe Samol a ataela Israel usun chök eman chon oputach.
6A ataetiu imwan we imwenfel, pwe a usun chök eu tanipi, o atatakisi ewe lenien chulap.
7Ewe Samol esap chüen aücheani an we rongen asor, a likitala imwan we mi pin.
8Ewe Samol mi Lapalap a apwüngala pwe epwe atatakisi tittin Sion.
9Ekewe asamalapen Sion ra irela fän ekewe ioien mettoch mi ta.
10Ekewe souakomwen Sion ra mot won pwül fän mosonoson.
11Mesei a tton ren kechü, leuti a fokun weires.
12Ra kechü ngeni inelaper kewe, pun ra echik o kaka.
13En Jerusalem, met üpwe tongeni apasa usum?
14Künan noum kewe soufos fän itom ra mwäl o chofana.
15Meinisin mi pwerela ünükum ra ämängauok.
16Chon oputom meinisin ra eäni kapas turunufas ngonuk,
17Ewe Samol mi Lapalap a föri mine a ekiekietä, a afisätä an kapasen apwüng a piin apasa me lomlom.
18En Jerusalem, kopwe leüömong le siö ngeni ewe Samol.
19Kopwe pwätäkis lepwin o leüömong le siö.
20Ai Samol mi Lapalap, kopwe nenengeni o ekieki! Ka föri ngeni iö ei sokun?
21Ekewe ät me ekewe chinlap ra mätiu won ekewe al.