1Äm Samol mi Lapalap, kopwe chechemeni mine a fis ngenikem.
2Fanüem a nonom fän nemenien wasöla,
3Äm aia wiliti chon mäsen, esap wor semem.
4Äm aia wisen möni ünümem koluk
5Ra achouu ngenikem och wosochou o appakem fän wok.
6Äm aia feila Isip me Asiria
7Äm kewe lewo ra tipis, nge iei resap chüen manau.
8Chokewe aramas ra nöüniir amanau me lom ra nemenikem.
9Äm aia fangala manauem, lupwen aia kütta enem mongö,
10Pokiten choun ewe echik
11Ra achomanauei ekewe fefin lon Sion,
12Ra forusi ekewe samol,
13Ra ariani ekewe alüal pwe repwe föira föün wiich lon ewe lenien föir usun ekewe amanau,
14Ekewe mwän mi chinlap resap chüen mot lon asamalapen ewe telinimw,
15Esap chüen wor äm pwapwa lon lelukem.
16Esap chüen wor och mine aipwe eingeing won.
17Iei popun pwe lelukem a riaföü,
18pun ewe chuk Sion a tala,
19Nge en, äm Samol mi Lapalap, ka King tori feilfeilachök.
20Pwota ka manlükikeemila fansoun meinisin?
21Äm Samol mi Lapalap, kopwe aliwinikem ngonuk pwe äm aipwe tongeni liwinituk.
22Ifa usun, ka wesewesen pöütikeemila?