KÖLFEL 150:1-6 CHKB2001 - Bible AI

1Ousipwe mwareiti ewe Samol mi Lapalap. Oupwe mwareiti Kot me lon lenian mi pin, oupwe mwareiti an manaman lon läng.

2Oupwe mwareiti i ren an kewe föför mi manaman, oupwe mwareiti an tekia esap wor aükükün.

3Oupwe mwareiti i ren tikin rappwa, oupwe mwareiti i ren ükülele me kitar.

4Oupwe mwareiti i ren pisekin kaktai me pworuk, oupwe mwareiti i ren pisekin ettik mi wor saitenin, pwal ren aangün.

5Oupwe mwareiti i ren sokopaten pisekin kaktai mi tikiken, oupwe mwareiti i ren sokopaten pisekin kaktai mi osomong.

6Mönümanau meinisin repwe mwareiti ewe Samol mi Lapalap. Ousipwe mwareiti ewe Samol mi Lapalap.