1Ai Samol mi Lapalap,
2Ewe Samol mi Lapalap ai achau,
3Üa kökköri ewe Samol mi Lapalap,
4Ekewe feiengauen mäla ra pwelifeiliei,
5Ekewe feiengauen lenien sotup ra pwelifeiliei,
6Üa kökköri ewe Samol mi Lapalap lon ai riaföü,
7Iwe, fanüfan a chechech o mwöükük,
8Ötüöt a ötüwu seni lon pwötün,
9A tinenifeseni läng o feitiu.
10A wawa eman kerop o äs,
11A pwölüela ngeni inisin rochopwak,
12Seni lon ewe saramaram mi nom mwan
13Ewe Samol mi Lapalap a pwal apüngü chopulap lon läng,
14A esefichala wokun kewe föün esefich o atoropasa chon oputan,
15Mürin, epin matau a pwä,
16Iwe, ewe Samol mi Lapalap a angetiu seni won ewe leni mi tekia
17A angasaei seni ekewe chon pälüeniei mi pöchökül,
18Iwe, ra münitiei lon ränin ai feiengau,
19A alisiei lon ai feiengau
20Ewe Samol mi Lapalap a liwiniöchüei, pun üa föri mine a pwüng,
21Üa aleasochisi än ewe Samol mi Lapalap kewe allük,
22Üa apwönüetä an kewe allük meinisin,
23A silei pwe esap wor ai mwäl,
24Iei mine ewe Samol mi Lapalap a liwiniöchüei, pun üa föri mine a pwüng,
25Ai Samol mi Lapalap, ka allükülük ngeniir mi allükülük,
26Ka pwärätä om limelimöch ngeni ir mi limelimöch,
27Ka angasa aramas mi tipetekison,
28Ai Samol mi Lapalap, ka asarama manauei,
29Ewer, ren om alisiei üa tongeni fiu ngeni ekewe chon oputaei,
30Än Kot kewe föför ra unusen pwüng,
31Ewe Samol mi Lapalap i chök Kot.
32I ewe Kot mi apöchökülaei
33A amüttiriei usun müttirin chia,
34A asipa pei ngeni maun
35Ka epeti seniei feiengau o amanauaei,
36Ka achölapa ewe al üa fetal won,
37Üa tapweri chon oputaei o liapeniir.
38Üa atururela pwe resap chüen tongeni ütä.
39Ka ngeniei pöchökül pwe üa tongeni maun,
40Ka föri pwe ekewe chon pälüeniei ra sü seniei,
41Ra siö pwe eman epwe alisiir, nge esap wor eman a amanaueer.
42Üa üsiir pwe ra usun chök pipisüsü
43En ka angasaei seni ekewe aramas mi ü ngeniei,
44Ra aleasochisiei lon ewe otun ra rong mweliei.
45Iwe, ra apilükingau,
46Ewe Samol mi Lapalap a manau. Üa mwareiti ai achau,
47Kot a atufichiei pwe üpwe ngeni chon oputaei chappen ar föför,
48En ai Samol mi Lapalap ka atekiaeitä asen chon ü ngeniei
49Iei mine üpwe ingemwareituk me lein chon ekewe mwü.