1Ai Kot, kopwe fang ngeni ewe king om pwüngüöch,
2pwe epwe eäni kapwüng won noum kewe aramas fän pwüng,
3Amwo ewe fanü epwe awora feiöch me kinamwe ngeni ekewe aramas,
4Amwo ewe king epwe peni ekewe mi riaföü me lein ekewe aramas,
5Amwo ewe king epwe manau ükükün fansoun akkar me maram ra nonom läng,
6Amwo epwe usun chök üt mi püngütiu won fetil mi pwüküfö,
7Amwo pwüng epwe fefeitä lon ränin manauan,
8Iwe, ewe king epwe nemenem seni eu matau tori pwal eu,
9Ekewe aramas mi nonom lon ewe fanüapö repwe pworotiu me mwan,
10Ekewe kingen Tarsis pwal ekewe king seni ekewe fanü mi nom lematau repwe takises ngeni,
11Ekewe king meinisin repwe chapetiu me mwan,
12Pun a angasa ekewe chon osupwang, lupwen ra kökköri,
13Iwe, a tongei chokewe mi apwangapwang me wöüngau,
14A angaseer seni ar riaföü me ewe angangen mwäneson mi fis ngeniir,
15Amwo ewe king epwe manauatam!
16Amwo epwe wor chomong wiich lon ewe fanü.
17Amwo iten ewe king epwe nonom tori feilfeilachök,
18Sipwe mwareiti ewe Samol mi Lapalap, ewe Koten Israel,
19Sipwe mwareiti itan mi ling tori feilfeilachök.