11 I'r Cyfarwyddwr: ag offerynnau llinynnol. Salm. C�n.0 Bydded Duw yn drugarog wrthym a'n bendithio, bydded llewyrch ei wyneb arnom, Sela.
2er mwyn i'w ffyrdd fod yn wybyddus ar y ddaear, a'i waredigaeth ymysg yr holl genhedloedd.
3Bydded i'r bobloedd dy foli, O Dduw, bydded i'r holl bobloedd dy foli di.
4Bydded i'r cenhedloedd lawenhau a gorfoleddu, oherwydd yr wyt ti'n barnu pobloedd yn gywir, ac yn arwain cenhedloedd ar y ddaear. Sela.
5Bydded i'r bobloedd dy foli, O Dduw, bydded i'r holl bobloedd dy foli di.
6Rhoes y ddaear ei chnwd; Duw, ein Duw ni, a'n bendithiodd.
7Bendithiodd Duw ni; bydded holl gyrrau'r ddaear yn ei ofni.