1I A mau la, he mai make ko Hezekia; a hele mai la o Isaia, ke kaula, ke keiki a Amosa io na la, i mai la ia ia, Ke i mai nei o Iehova penei, E kauoha oe i ko kou hale, no ka mea, e make ana oe, aole oe e ola.
2Alaila, huli ae la o Hezekia i kona maka ma ka paia, a pule aku la ia Iehova,
3I aku la ia, Ke noi aku nei au ia oe, e Iehova, ano la e hoomanao oe i ko'u hele ana imua ou ma ka oiaio, me ka naau pono, a ua hana i ka maikai ma kou alo. A uwe iho la o Hezekia, he uwe nui loa.
4Alaila, hiki mai ka olelo a Iehova io lsaia la, i mai la,
5O hele, e olelo aku ia Hezekia, Ke i mai nei o Iehova, ke Akua o Davida, kou kupuna, penei, Ua lohe au i kau pule, a ua ike no wau i kou waimaka; aia hoi, e hooloihi aku au i kou mau la, i umikumamalima makahiki.
6A e hoopakele no wau ia oe, a me keia kulanakauhale mai ka lima aku o ke alii o Asuria, a na'u no e malama i keia kulanakauhale.
7Eia hoi ka hoailona nou, mai Iehova mai, e hana io mai no o Iehova i ka mea ana i olelo mai ai;
8Aia hoi, e hoihoi ihope no au i ke aka o na degere ana i iho ai ma ka mea ana hora o Ahaza, he umi degere ka hoi hope ana. A hoi hope io no ka la i umi degere, o na degere hoi ana i iho ai ilalo.
9Ke mele a Hezekia ke alii o ka Iuda, mahope iho o kona mai ana, a ua ola hoi i kona mai.
10Olelo iho la au, E komo ana au i na puka o ka malumake,
11I iho la au, aole au e ike aku ia Iehova,
12Ua laweia ko'u wahi noho,
13Hoomaha ino la au a kakahiaka,
14E like me ka manu u, a me ka manu ioio,
15Heaha ka'u e olelo aku ai?
16E ka Haku, no keia mau mea i ola'i na kanaka,
17Aia hoi, ua hoololi mai oia i ko'u kaumaha loa i oluolu,
18Aole hiki i ko ka po ke hoomaikai aku ia oe,
19O ka mea ola, ka mea ola,
20Malaila no o Iehova, e hoola mai ai ia'u,
21No ka mea, ua olelo no o Isaia, e lawe lakou i pai fiku maloo, a e kau maluna o ka eha, a e ola no ia.