1महामारी के बाद यहोवा ह मूसा अऊ हारून पुरोहित के बेटा एलिआजर ला कहिस,
2“जम्मो इसरायली समाज के गनती परिवार के मुताबिक करव—जेमन बीस साल या जादा उमर के हवंय अऊ इसरायल के सेना म सेवा दे सकत हें।”
3तब मूसा अऊ एलिआजर पुरोहित, यरीहो के ओ पार यरदन नदी के तीर, मोआब के मैदान म इसरायलीमन ले बात करिन अऊ कहिन,
4“बीस साल या ओकर ले जादा उमर के मनखेमन के गनती करव, जइसने यहोवा ह मूसा ला हुकूम दे हवय।”
5इसरायल के पहिलांत बेटा रूबेन के संतान:
6हेसरोन के जरिये हेसरोनी गोत्र;
7येमन रूबेनी गोत्र के रिहिन; जेमन के गनती, 43,730 रिहिस।
8पल्लू के बेटा एलीआब रिहिस,
9अऊ एलीआब के बेटामन नमूएल, दातान अऊ अबीराम रिहिन। इही दातान अऊ अबीराम समाज के करमचारी रिहिन अऊ येमन मूसा अऊ हारून के बिरूध बिदरोह करिन अऊ येमन कोरह के ओ अनुयायीमन के संग रिहिन, जब ओमन यहोवा के बिरूध बिदरोह करिन।
10धरती ह अपन मुहूं फारिस अऊ ओमन ला कोरह के संग लील लीस; ओकर पाछू चलइयामन मर गीन, जब आगी ह 250 मनखे ला भसम कर दीस। अऊ ओमन चेतउनी के एक चिनहां होईन।
11तभो ले कोरह के बंस ह खतम नइं होईस।
12सिमोन के संतान ओमन के गोत्र के मुताबिक:
13जेरह के जरिये जेरही गोत्र;
14येमन सिमोन गोत्र के रिहिन; जेमन के गनती, 22,200 रिहिस।
15गाद के संतान ओमन के गोत्र के मुताबिक:
16ओजनी के जरिये ओजनी गोत्र;
17अरोद के जरिये अरोदी गोत्र;
18येमन गाद गोत्र के रिहिन; जेमन के गनती 40,500 रिहिस।
19यहूदा के बेटा एर अऊ ओनान रिहिन, पर ओमन कनान देस म मर गीन।+ 26:19 देखव उत 38:3‑4अऊ 7:8*
20यहूदा के संतान ओमन के गोत्र के मुताबिक:
21पेरेस के संतान येमन रिहिन:
22येमन यहूदा गोत्र के रिहिन; जेमन के गनती 76,500 रिहिस।
23इस्साकार के संतान ओमन के गोत्र के मुताबिक:
24यासूब के जरिये यासूबी गोत्र;
25येमन इस्साकार गोत्र के रिहिन; जेमन के गनती 64,300 रिहिस।
26जबूलून के संतान ओमन के गोत्र के मुताबिक:
27येमन जबूलूनी गोत्र के रिहिन; जेमन के गनती, 60,500 रिहिस।
28यूसुफ के संतान, जेमन गोत्र के मुताबिक मनस्से अऊ एपरैम के जरिये होईन:
29मनस्से के संतान:
30गिलाद के संतान येमन रिहिन:
31असरीएल के जरिये असरीएली गोत्र;
32समीदा के जरिये समीदायी गोत्र;
33(हेपेर के बेटा सलोफाद के कोनो बेटा नइं रिहिन; ओकर सिरिप बेटीमन रिहिन, जेमन के नांव महला, नोआ, होगला, मिलका अऊ तिरसा रिहिस।)
34येमन मनस्से के गोत्र रिहिन; जेमन के गनती 52,700 रिहिस।
35एपरैम के संतान ओमन के गोत्र के मुताबिक येमन रिहिन:
36सूतेलह के संतान येमन रिहिन:
37येमन एपरैम के संतान रिहिन; जेमन के गनती, 32,500 रिहिस।
38बिनयामीन के संतान ओमन के गोत्र के मुताबिक:
39सूपाम+ 26:39 या सपूपाम* के जरिये सूपामी गोत्र;
40बेला के संतान अर्द अऊ नामान के जरिये:
41येमन बिनयामीन के गोत्र रिहिन; जेमन के संखिया 45,600 रिहिस।
42दान के संतान ओमन के गोत्र के मुताबिक येमन रिहिन:
43येमा के जम्मो झन सूहामी गोत्र के रिहिन; जेमन के संखिया 64,400 रिहिस।
44आसेर के संतान ओमन के गोत्र के मुताबिक:
45अऊ बरीया के संतान के जरिये:
46आसेर के सेरह नांव के एक बेटी रिहिस।
47येमन आसेर के गोत्र रिहिन; जेमन के गनती 53,400 रिहिस।
48नपताली के संतान ओमन के गोत्र के मुताबिक:
49येसेर के जरिये येसेरी गोत्र;
50येमन नपताली गोत्र के रिहिन; जेमन के गनती 45,400 रिहिस।
51इसरायल के पुरूसमन के कुल संखिया 6,01,730 रिहिस।
52यहोवा ह मूसा ला कहिस,
53“नांव के गनती के आधार म ओमन के बीच म भुइयां ला ओमन के उत्तराधिकार के रूप म बांटना हे।
54बड़े दल ला बड़े भाग दे, अऊ छोटे दल ला छोटे भाग; सूची म ओमन के गनती के मुताबिक हर एक ला ओकर उत्तराधिकार मिलय।
55येकर धियान रखबे कि भुइयां ला चिट्ठी के जरिये बांटे जावय। हर एक दल ला जऊन भाग मिलथे, ओह ओकर पुरखा के गोत्र के नांव के मुताबिक होवय।
56हर उत्तराधिकार ला चिट्ठी के दुवारा बड़े अऊ छोटे दलमन के बीच बांटे जावय।”
57ये लेवीमन रिहिन, जेमन के गनती ओमन के गोत्र के मुताबिक होईस:
58लेवी गोत्र के येमन घलो रिहिन:
59अमराम के घरवाली के नांव योकेबेद रिहिस, जऊन ह लेवी के एक संतान रिहिस, अऊ मिसर म लेवी बंस म जनमे रिहिस। अमराम कोति ले ओह हारून, मूसा अऊ ओमन के बहिनी मिरियम ला जनम दीस।
60हारून ह नादाब, अबीहू, एलिआजर अऊ ईतामार के ददा रिहिस।
61पर नादाब अऊ अबीहू मर गीन, जब ओमन यहोवा के आघू म बिगर अधिकार वाले आगी ले एक बलिदान चघाईन।)+ 26:61 देखव लैव्य 10:1‑7*
62जम्मो लेवी पुरूस, जेमन एक महिना अऊ जादा उमर के रिहिन, गनती म 23,000 रिहिन। येमन ला आने इसरायलीमन संग नइं गने गीस, काबरकि येमन ला ओमन के बीच उत्तराधिकार नइं मिले रिहिस।
63मूसा अऊ एलिआजर पुरोहित के दुवारा येमन ला गने गीस, जब ओमन यरीहो के ओ पार यरदन नदी के तीर मोआब के मैदान म इसरायलीमन के गनती करिन।
64जऊन इसरायलीमन ला मूसा अऊ हारून पुरोहित, सीनय के सुन्ना जगह म गने रिहिन, ओमा के एको झन घलो अभी गने गय मनखेमन के बीच नइं रिहिन।