1येह यीसू मसीह के बंसावली अय—यीसू ह दाऊद के बंस के रिहिस अऊ दाऊद ह अब्राहम के बंस के रिहिस।
2अब्राहम के बेटा इसहाक रिहिस;
3यहूदा के बेटा पेरेस अऊ जेरह रिहिन; जेमन के दाई के नांव तामार रिहिस;
4एराम के बेटा अम्मीनादाब रिहिस;
5सलमोन के बेटा बोअज रिहिस; बोअज के दाई के नांव राहाब रिहिस;
6यिसै के बेटा राजा दाऊद रिहिस।
7सुलेमान के बेटा रहूबियाम रिहिस;
8आसा के बेटा यहोसापात रिहिस;
9उजियाह के बेटा योताम रिहिस;
10हिजकियाह के बेटा मनस्से रिहिस;
11बंधुवा होके बेबिलोन देस ले जाय के बेरा म योसियाह के बेटा यकुन्याह, अऊ ओकर भाईमन रिहिन।
12बंधुवा होके बेबिलोन जाय के पाछू:
13जरूब्बाबेल के बेटा अबीहूद रिहिस;
14आजोर के बेटा सादोक रिहिस;
15इलीहूद के बेटा एलिआजर रिहिस;
16याकूब के बेटा यूसुफ रिहिस; यूसुफ ह मरियम के घरवाला रिहिस, अऊ मरियम ले यीसू जनमिस, जऊन ला मसीह कहे जाथे।
17ये किसम ले अब्राहम ले लेके दाऊद तक जम्मो चौदह पीढ़ी होईस, अऊ दाऊद ले लेके बेबिलोन म बंधुवई म जावत तक चौदह पीढ़ी, अऊ बंधुवई ले लेके मसीह+ 1:17 मसीह इबरानी म अऊ ख्रिस्त यूनानी म, दूनों सबद के मतलब अभिसिक्त जन होथे।* तक चौदह पीढ़ी होईस।
18यीसू मसीह के जनम ये किसम ले होईस। यीसू के दाई मरियम के मंगनी यूसुफ के संग होय रिहिस, पर एकर पहिली कि ओमन दूनों घरवाला-घरवाली के रूप म एक संग होतिन, मरियम ह पबितर आतमा के जरिये पेट म पाय गीस।
19काबरकि मरियम के होवइया घरवाला यूसुफ ह एक धरमी मनखे रिहिस अऊ ओह मरियम ला मनखेमन के आघू म बदनाम करे नइं चाहत रिहिस, एकर खातिर ओह ओला चुपेचाप छोंड़ देय के बिचार करिस।
20पर ओकर ये बिचार करे के पाछू, परभू के एक स्वरगदूत ह ओला सपना म दिखिस अऊ ओ स्वरगदूत ह ओला कहिस, “हे यूसुफ, दाऊद के संतान, तेंह मरियम ला अपन घरवाली के रूप म घर लाय बर झन डर, काबरकि जऊन ह ओकर गरभ म हवय, ओह पबितर आतमा के तरफ ले अय।
21ओह एक बेटा ला जनम दीही अऊ तें ओकर नांव यीसू+ 1:21 यहोसू ला यूनानी भासा म यीसू कहिथें, जेकर मतलब होथे परभू बचाथे या परभू उद्धार करथे* रखबे, काबरकि ओह अपन मनखेमन ला ओमन के पाप ले छुटकारा दीही।”
22ये जम्मो बात एकर खातिर होईस कि जऊन बात, परभू ह अगमजानी के जरिये कहे रिहिस, ओह पूरा होवय:
23“देखव, एक कुंवारी ह गरभवती होही, अऊ ओह एक बेटा जनमही, अऊ ओकर नांव इमानुएल रखे जाही”+ 1:23 यसा 7:14* (जेकर मतलब होथे “परमेसर हमर संग”)।
24जब यूसुफ ह नींद ले जागिस, त ओह वइसनेच करिस जइसने परभू के स्वरगदूत ह ओला हुकूम दे रिहिस अऊ ओह मरियम ला अपन घरवाली के रूप म अपन घर ले गीस।