1Iti dayta a tiempo, naguummong dagiti Filisteo a manggubat iti Israel. Nagrubbuat dagiti Israelita a mangsaranget kadakuada. Nagkampoda idiay Ebenezer, ket nagkampo met dagiti Filisteo idiay Afec.
2Dimmarup dagiti Filisteo. Kalpasan ti napinget a ranget, naparmek dagiti Israelita ket agarup 4,000 kadakuada ti napapatay iti paggugubatan.
3Idi nagsubli dagiti nakalasat iti kampo, kinuna dagiti pangulo ti Israel, “Apay nga impalubos ti APO a parmekendatayo dagiti Filisteo ita nga aldaw? Intay alaen ti Lakasa ti Tulag ni Yahweh idiay Silo tapno kumuyog kadatayo iti paggugubatan ket ispalennatayo kadagiti kabusortayo.”
4Nangibaonda
5Idi maisangpet ti Lakasa, kasta unay ti riaw dagiti Israelita, ket uray la nagallangogan ti daga.
6Nangngeg dagiti Filisteo ti ariwawa, ket kinunada, “Ania ti kaipapanan ti panagdirdir-i dagiti Hebreo iti kampoda?”
7nagbutengda ket kinunada, “Adda dios a simmangpet iti kampoda. Nalpastayon! Awan pay ti kastoy a napasamak kadatayo!
8Siasino ti makaisalakan kadatayo kadagidiay mannakabalin a didiosen? Isuda dagiti nangpapatay idi kadagiti Egipcio iti amin a kita ti didigra!
9Tumuredkayo, Filisteo! Makirangetkayo a kas pudno a lallaki, ta no saan, agbalintayo a tagabu dagiti Hebreo, kas iti panangtagabutayo idi kadakuada. Makirangetkayo ngarud ket ipakitayo ti kinalalakiyo.”
10Sipipinget a nakirupak dagiti Filisteo. Naparmek dagiti Israelita ket nagtatarayda a nagawid. Nakaad-adu ti napapatay: 30,000 a mannakigubat nga Israelita.
11Napapatay met da Ofni ken Finees nga annak ni Eli, ket innala dagiti Filisteo ti Lakasa ti Tulag ti Dios.
12Manipud iti paggugubatan, maysa a lalaki iti tribu ti Benjamin ti nagtartaray a napan idiay Silo ket simmangpet sadiay iti dayta met la nga aldaw. Naray-ab ti kawesna ken tapoktapok ti ulona a mangipakita iti ladingitna.
13Agtugtugaw idi ni Eli iti lugarna iti abay ti ruangan iti igid ti dalan. Agpadpadaan ta mariribukan unay a mangpampanunot no ania ti napasamak iti Lakasa ti Tulag.
14Nangngeg ni Eli ti arimbangaw ket sinaludsodna, “Ania ti kaipapanan daytoy nga ikkis?”
15Agtawenen ni Eli iti 98 ket saanen a makakita.)
16Kinuna ti lalaki, “Nakalibasak iti paggugubatan ket nagtartarayak nga immay ditoy ita nga aldaw.”
17“Intarayan dagiti Israelita dagiti Filisteo,” insungbat ti nagpadamag. “Nakaad-adu ti napapatay a tattaotayo! Natay pay da Ofni ken Finees nga annakmo ket inagaw dagiti Filisteo ti Lakasa ti Tulag ti Dios!”
18Idi madakamat ti lalaki ti Lakasa ti Tulag, naliad ni Eli iti nagtugawanna ket narung-o ti tengngedna ta lakay unayen ken nalukmeg. Uppat a pulo a tawen a nagserbi ni Eli nga ukom iti Israel.
19Masikog idi ti asawa ni Finees a manugang ni Eli, ket dandani agpasngay. Idi madamagna ti pannakaagaw ti Lakasa ti Tulag ken ti pannakatay ti katuganganna ken ni Finees nga asawana, pagammoan la ta nagpasikal ket naganak.
20Idi agbugbugsoten, kinuna dagiti babbai a mangas-asikaso kenkuana, “Pabilgem ta nakemmo. Lalaki ti anakmo.”
21Pinanagananna ti maladaga iti Icabod,
22“Wen, awanen ti gloria ti Dios iti Israel gapu ta naagaw ti Lakasa ti Tulag ti Dios,” kinunana.