1 Taga-Corinto 2:1-16 RIPV1996 - Bible AI

¹Kakabsatko, idi immayak dita tapno ikasabak kadakayo ti nalimed a kinapudno maipapan iti Dios,[4] diak nagaramat kadagiti agkakauneg a balikas wenno naindaklan a pampanunot.

²Ta bayat ti kaaddak iti dennayo, inkeddengko a lipaten ti amin malaksid ti maipapan ken ni Jesu-Cristo ken ti pannakailansana iti krus.

³Itiⓗ kasta, idi addaak kadakayo, nakapuy ken agtigtigergerak iti buteng.

⁴Iti panangisurok ken panangikasabak iti mensahe, diak nagusar kadagiti makaallukoy a balikas ti kinasirib.[5] Nagsaoak iti makaallukoy a pammaneknek iti pannakabalin ti Espiritu ti Dios,

⁵tapno saan a maibatay ti pammatiyo iti kinasirib ti tao, no di ket iti pannakabalin ti Dios.

⁶Nupay kasta, agsaoak met iti kinasirib kadagiti nataengan iti pammatida. Ngem saan nga iti kinasirib ti agdama a panawen wenno dagiti mangituray iti daytoy a lubong—dagiti agtuturay a mapukpukawen ti pannakabalinda.

⁷Ti nalimed a kinasirib ti Dios ti sawek, ti kinasirib a nailemmeng kadagiti tattao ken intudingna nga agpaay iti pakaigloriaantayo, uray idi sakbay a maparsua ti lubong.

⁸Awan kadagiti agtuturay iti lubong ti makaammo iti daytoy a kinasirib. Ta no naammoanda, dida koman inlansa iti krus ti nadayag nga Apo.

⁹Ngemⓘ kas kuna ti Nasantoan a Surat,

⁹“Ti saan pay a nakita wenno nangngeg ti tao, ti saan nga impagarup ti tao a mapasamak, isu ti insagana ti Dios kadagiti agayat kenkuana.”

¹⁰Nupay kasta, babaen iti Espiritu, impakaammo ti Dios kadatayo ti palimedna. Sukimaten ti Espiritu ti amin a banag, uray dagiti nauneg a panggep ti Dios.

¹¹Ti laeng panunot ti maysa a tao ti makaammo iti adda iti nakem dayta a tao, kasta met a ti laeng Espiritu ti Dios ti makaammo iti panunot ti Dios.

¹²Saan a ti espiritu ti lubong ti inawattayo, no di ket ti Espiritu nga aggapu iti Dios tapno maawatantayo ti kaipapanan ti amin nga imparabur ti Dios kadatayo.

¹³Ngarud, iti panangilawlawagmi kadagiti naespirituan a kinapudno kadagiti addaan iti Espiritu,[6] saanmi nga aramaten dagiti isursuro ti tao, no di ket dagiti isursuro ti Espiritu ti Dios.

¹⁴Ngem ti tao nga awanan iti Espiritu, dinanto awaten dagiti sagut nga aggapu iti Espiritu ti Dios. Saanna a maawatan dagitoy ta minamaagda kenkuana. Ngamin, mabigbig laeng ti pategda babaen iti espiritu.

¹⁵Kabaelan a rukoden ti naespirituan a tao ti pateg ti amin, ngem awan makarukod kenkuana.

¹⁶Kasⓙ kuna ti Nasantoan a Surat, Nupay kasta, ammotayo ti panunot ni Cristo.

¹⁶“Siasino ti makaammo iti panunot ti Apo? Siasino ti makabalin a mangbagbaga kenkuana?”