2 Ar-ari 9:1-37 RIPV1996 - Bible AI

¹Kabayatanna, inayaban ni profeta Eliseo ti maysa kadagiti agtutubo a profeta ket kinunana kenkuana, “Agrubbuatka ket inka iti siudad ti Ramot idiay Galaad. Itugotmo daytoy sangabotelia a lana ti olibo;

²inton makadanonka sadiay, sapulem ni Jehu nga anak ni Jehosafat ken apoko ni Nimsi. Ipanmo iti maysa a kuarto nga adayo kadagiti kakaduana,

³ibuyatmo daytoy a lana iti ulona ket kunam, ‘Ipakaammo ti APO nga ikonsagrarnaka nga ari ti Israel.’ Kalpasanna, pumanawka a dagus.”

⁴Napan ngarud ti agtutubo a profeta idiay Ramot

⁵a nakasarakanna kadagiti ofisiales ti armada nga agtataripnong. Kinunana, “Apo, adda mensahe nga ipakaammok kenka.” “Sika, apo,” insungbatna.

⁵Sinaludsod ni Jehu, “Siasino kadakami ti kasarsaritam?”

⁶Simrekdaⓜ a dua iti balay. Imbuyat ti agtutubo a profeta ti lana ti olibo iti ulo ni Jehu sana kinuna, “Kastoy ti ipakaammo ti APO a Dios ti Israel: ‘Konsagrarenka nga ari dagiti tattaok nga Israelita.

⁷Masapul a patayem ti apom nga ari, dayta anak ni Ahab tapno dusaek ni Jezebel iti panangpapatayna kadagiti profetak ken kadagiti dadduma nga adipenko.

⁸Masapul a madadael ti familia ni Ahab agraman dagiti kaputotanna. Pukawek ti amin a lallaki iti familiana, ubing man wenno lakay.

⁹Aramidek iti familiana ti inaramidko idi kadagiti familia da Jeroboam ken Baasa nga ari ti Israel.

¹⁰Noⓝ maipapan ken ni Jezebel, dinto maitanem ta kanento dagiti aso ti bangkayna iti sakup ti Jezreel.’” Kalpasan ti panangisaona iti daytoy, pimmanaw a dagus ti agtutubo.

¹¹Nagsubli ni Jehu iti ayan dagiti padana nga ofisiales ket sinaludsodda, “Ania ti napasamak? Ania ti masapulna kenka dayta mauyong a tao?” “Ammoyo ti masapulna,” kinuna ni Jehu.

¹²“Saanmi nga ammo!” insungbatda. “Ibagam ti imbagana!” “Imbagana a kastoy ti ipakaammo ti APO: ‘Konsagrarenka nga ari ti Israel.’”

¹³Dinagdagusda nga inikkat ti kagayda sada inyaplag kadagiti pangal ti agdan a pagtakderan ni Jehu. Pinagunida dagiti trumpeta sada impukkaw, “Ari ni Jehu!”

¹⁴Kalpasanna, insikat ni Jehu a patayen ni Ari Joram. Adda idi ti ari idiay Jezreel a pagpapaimbaganna kadagiti sugatna a naalana iti gubat idiay Ramot a maibusor ken ni Hazael nga ari ti Siria. Kinuna ni Jehu kadagiti padana nga ofisiales, “No kaduadak, kitaenyo a naimbag nga awan ti makalibas ditoy Ramot a mapan idiay Jezreel ket ballaaganna dagiti tattao sadiay.”

¹⁶Limmugan iti luganna a pakigubat ket nagturong idiay Jezreel. Saan pay a naimbagan ni Joram ket adda met sadiay ni Ahazias nga ari ti Juda a simmarungkar kenkuana.

¹⁷Nakita ti guardia nga adda iti pagwanawanan iti Jezreel ti isusungad ni Jehu ken dagiti buyotna. “Adda sumungsungad a tattao a nakasakay iti kabalio!” impukkawna. Insungbat ni Joram, “Mangibaonka iti agkabalio a mangsabat kadakuada tapno ammoenna no gagayyem wenno kabusor ida.”

¹⁸Napan ti naibaon tapno sabtenna ni Jehu ket kinunana kenkuana, “Padamag ti ari no umayka a kas gayyem.” “Awan bibiangmo!” kinuna ni Jehu. “Agbaw-ingka ket sumurotka kaniak.” Impadamag ti guardia iti pagwanawanan a nakadanon ti naibaon iti ayan ti grupo a sumungsungad ngem saan a nagsubli.

¹⁹Nangibaon manen ti ari iti sabali a nagkabalio a nangsaludsod ken ni Jehu ti kas iti sinaludsod ti immuna. Kastoy manen ti insungbat ni Jehu: “Awan bibiangmo! Agbaw-ingka ket sumurotka kaniak!”

²⁰Impadamag manen ti guardia a nakadanon ti naibaon iti ayan ti grupo ngem saan a nagsubli. Ket innayonna, “Napardas ti panangpataray ti pangulo ti grupo iti luganna. Kasla agmauyong. Kasla ken ni Jehu nga agpatpataray!”

²¹“Isaganayo ti luganko,” imbilin ni Joram. Naaramid daytoy ket rimmuar da Joram ken Ari Ahazias a nakasakay iti bukodda a lugan tapno sabtenda ti bunggoy ni Jehu. Nagsasabatda iti talon a kukua idi ni Nabot.

²²Sinaludsod ni Joram, “Kappia kadi ti inyegmo, Jehu?”

²²“Kasano nga adda kappia,” insungbat ni Jehu, “no adda pay laeng panagan-anito ken panagdaydayaw kadagiti didiosen nga insungsong ni inam a Jezebel?”

²³“Panangliput daytoy, Ahazias!” inyikkis ni Joram ket imbueltana ti luganna sa nagpataray.

²⁴Inasut ni Jehu ti panana ket imbiatna iti amin a pigsana. Napuntaan ti bukot ni Joram. Nagsalput ti pana iti pusona, ket napasag iti uneg ti luganna.

²⁵Kinuna ni Jehu ken ni Bidkar a katulonganna, “Alaem ti bangkayna ket inka ipurruak iti talon a kukua idi ni Nabot. Malagipmo ti panagabayta idi a nagkabalio a sumarsaruno ken ni Ahab nga ama ni Ari Joram. Imbaga ti APO daytoy a maibusor ken ni Ahab:

²⁶‘Nakitakⓞ idi kalman ti pannakapapatay ni Nabot ken dagiti annakna. Ket inkarik a dusaenka iti daytoy met la a talon.’ Alaem ngarud ti bangkay ni Joram,” imbilin ni Jehu iti katulonganna, “ket ibellengmo iti talon a kukua ni Nabot, tapno matungpal ti sao ti APO.”

²⁷Idi nakita ni Ari Ahazias ti napasamak, pinatarayna ti luganna nga agturong iti ili ti Bet-hagan. Kinamat ni Jehu. “Patayenyo met!” imbilin ni Jehu kadagiti tattaona. Sinugatda[13] ni Ahazias bayat ti panangpatarayna iti luganna iti dalan nga agpa-Gur, iti asideg ti ili ti Ibleam. Ngem inkarkarigatanna ti nagpataray agingga a nakadanon iti siudad ti Megiddo a nakatayanna.

²⁸Inkarga dagiti ofisialesna ti bangkayna iti maysa a lugan a pakigubat ket insublida idiay Jerusalem. Intabonda kadagiti tanem dagiti ari iti Siudad ni David.

²⁹Naisaad idi ni Ahazias a kas ari ti Juda iti maika-11 a tawen a panagturay ni Joram nga anak ni Ahab nga ari ti Israel.

³⁰Dimteng ni Jehu idiay Jezreel. Nadamag idin ni Jezebel ti napasamak. Pinintaanna ti matana, inurnosna ti buokna, ket napan iti maysa a tawa ti palasio a kumitkita iti kalsada.

³¹Idi sumrek ni Jehu iti ruangan, impukkaw ni Jezebel, “Sika, Zimri[14] a mammapatay! Apay nga addaka ditoy?”

³²Timmangad ni Jehu ket impukkawna, “Siasino ti makikadua kaniak?” Dua wenno tallo kadagiti ofisiales ti palasio ti timman-aw iti tawa a nangkita kenkuana

³³ket kinuna ni Jehu kadakuada, “Itappuakyo ni Jezebel.” Intappuakda ni Jezebel ket nagparsiak ti darana iti bakud ken kadagiti kabalio. Pinataray ni Jehu dagiti kabalio ken ti luganna a pakigubat iti rabaw ti bangkayna.

³⁴Simrek iti palasio ket nangan. Idi laeng a nalagipna ti bangkay ket kinunana, “Alaenyo ti bangkay dayta nailunod a babai ket inkay itabon gapu ta anak met ti maysa nga ari.”

³⁵Ngem awan ti nasarakan dagiti naibaon a mangitanem kenkuana, malaksid ti bangabangana ken dagiti tultulang dagiti ima ken sakana.

³⁶Idiⓟ impadamagda daytoy ken ni Jehu, kinunana, “Natungpal ti imbaga ti APO ken ni Elias nga adipenna: ‘Kanento dagiti aso ti bangkay ni Jezebel iti sakup ti Jezreel.

³⁷Kaslanto rugit a maiwarawara ti narangrangkay a bangkayna ket awanto ti makabigbig nga isu ni Jezebel.’”