Dagiti Proverbio 26:1-28 RIPV1996 - Bible AI

¹Saan a maiparbeng a padayawan ti maag. Mayarig daytoy iti yelo nga agtinnag iti kalgaw wenno iti tudo iti tiempo ti panagani.

²Saannaka a dangran dagiti lunod malaksid no rumbeng nga agpaay kenka. Mayarigda kadagiti agtayab a billit ken saan nga agdisso.

³Masapul a bautem ti kabalio, busalam ti asno, ket masapul a kabilem ti maag.

⁴No sungbatam ti awan serserbina a saludsod, maibilangka a maag a kas iti nagsaludsod.

⁵Sungbatam ti maag kas mayannurot iti kinamaagna amangan no agbalinka met a kas kenkuana.

⁶No maag ti ibaonmo a mangidanon iti mensahe, naimbag pay a putdem ti sakam. Agbirbirokka la iti riribuk.

⁷Mausar ti maag ti maysa a pagsasao a kas iti panangusar ti pilay kadagiti sakana.

⁸Ti mangpadayaw iti maysa a maag, mayarig iti tao a mangigalut iti bato iti palsiitna.

⁹No agsao ti maag iti proberbio, ipalagipna kenka ti maysa a mammartek a mangpadas a mangikkat iti siit iti imana.

¹⁰Ti manangdan iti maag a mayat a sumrek nga agtrabaho, paspasakitanna laeng dagiti maseknan.

¹¹Tiⓠ maag a mangulit iti minamaag nga aramidna, mayarig iti aso a mangan iti sarruana.

¹²Naim-imbag ti kamaagan a maag ngem ti tao a mangipagarup a masirib uray no saan.

¹³Apay a saan a rummuar iti balay ti tao a nasadut? Ania ti kabutengna? Dagiti kadi leon?

¹⁴Agballikid ti sadut iti iddana. Saan a makaadayo, kas iti ridaw nga agpusipos kadagiti bisagrana.

¹⁵Adda dagiti tattao a napalalo ti sadutda—kasadutda pay nga isubo ti kanenda.

¹⁶Ipagarup ti sadut a nasirsirib ngem iti pito a lallaki a makailawlawag a naimbag iti kapanunotanda.

¹⁷Ti makibiang iti panagsusuppiat mayarig iti tao a mapan iti kalsada ket tiliwenna ti aso iti lapayagna.

¹⁸No allilawem ti padam a tao samo kuna nga agang-angawka laeng, arigmo iti agmauyong nga agabalbalay iti makapatay nga armas.

²⁰Maiddep ti apuy no maibusan iti sungrod; agsardeng met ti panagaapa no awan ti mamadpadakes.

²¹No adda la ketdi uging, agtalinaed ti beggang, no adda la ketdi kayo, saan a maiddep ti apuy; kasta met a rubroban dagiti mannakiringgor ti panagaapa.

²²Kasla naimas a taraon ti pammadpadakes; magustoantayo nga ipauneg!

²³Ti saan a naimpusoan[25] a panagsao a mangilinged iti pudno a pampanunotem mayarig iti pirak[26] a nakalupkopan iti damili.

²⁴Ilemmeng ti maag ti gurana babaen iti patiray-okna.

²⁵Napintas a denggen, ngem dimo patpatien, agsipud ta adda pito a makarimon iti pusona.

²⁶Mabalin a mailemmengna ti gurana, ngem maiparangarang latta ti dakes nga aramidna.

²⁷Dagitiⓡ mangkali iti palab-og nga agpaay kadagiti sabsabali isudanto met laeng ti maipalab-og. Dagiti mangirugi iti reggaay, isudanto met laeng ti magaburan.

²⁸Kagurguram ti maysa a tao no padpadaksem. Awan ti patauden ti panagpatiray-ok no di pannakadadael.