Ezekiel 10:1-22 RIPV1996 - Bible AI

¹Kimmitaakⓢ iti atep, iti ngatoen dagiti ulo dagiti sibibiag a parsua ket adda nakitak a kasla trono a naaramid iti safiro.

²Kinunaⓣ ti Dios iti lalaki a nakakawes iti linen, “Sumrekka iti nagbaetan dagiti pilid iti babaen dagiti animal. Rumakemka iti sumsumged a beggang, ket iwarawaram iti ngatoen ti siudad.”

²Siniputak ti ipapanawna.

³Sitatakder dagiti parsua iti abagatan ti Templo idi sumrek ti lalaki, ket adda ulep a nangpunno iti akin-uneg a paraangan.

⁴Manipud kadagiti parsua, nagpangato ti makapurar a lawag a mangipakita iti kaadda ti APO ket nagturong iti ruangan ti Templo. Kalpasanna, napno ti Templo iti ulep ket agranraniag ti paraangan iti makapurar a lawag.

⁵Mangngeg uray iti akinruar a paraangan ti payakpak dagiti animal. Kasla timek ti Dios a Mannakabalin-amin.

⁶Idi bilinen ti APO ti lalaki a nakakawes iti linen a mapan mangala iti apuy nga adda iti nagbaetan dagiti pilid iti babaen dagiti parsua, simrek ti lalaki ket nagtakder iti abay ti maysa a pilid.

⁷Adda apuy iti nagbabaetan dagiti kerubim. Nangala ti maysa kadakuada iti beggang sana inkabil kadagiti ima ti lalaki. Innala ti lalaki ket rimmuar.

⁸Nakitak nga adda kasla ima ti tao iti babaen ti tunggal payak dagiti parsua.

⁹Nakitakⓤ pay nga adda maysa a pilid iti abay ti tunggal parsua. Agpapada dagiti uppat a pilid ket agranraniagda a kasla napateg a bato. Iti uneg ti tunggal pilid, adda sabali a pilid a naipakuros.

¹¹No aggunay dagiti parsua, mabalinda ti agturong iti sadinoman a kayatda a saanda nga agpusipos. Agmaymaysada nga agturong iti sadinoman a kayatda a pagturongan.

¹²Pasigⓥ a mata ti nangbungon iti bagida agraman dagiti bukot, ima, payak ken dagiti pilid.

¹³Dagitoy met la a pilid ti nakitak iti immuna a parmatak.

¹⁴Addaⓦ uppat a rupa ti tunggal parsua. Ti umuna, rupa ti baka; ti maikadua, rupa ti tao; ti maikatlo, rupa ti leon; ket ti maikapat, rupa ti agila.

¹⁵(Dagitoy met la a parsua ti nakitak iti igid ti Karayan Kebar.) No agpangato dagiti parsua

¹⁶ket aggunayda, aggunay met dagiti pilid. No tumayabda, sumurot latta kadakuada dagiti pilid.

¹⁷No agsardengda, agsardeng met dagiti pilid. No tumayabda, sumurot kadakuada dagiti pilid, agsipud ta iturayan ida dagiti parsua.

¹⁸Kalpasanna, pimmanaw ti makapurar a lawag a mangipakita iti kaadda ni Yahweh iti pagserkan ti Templo, ket napan iti ngatoen dagiti parsua.

¹⁹Inukrad dagiti parsua dagiti payakda ket nagtayabda nga immadayo iti daga. Nakitak ida a pimmanaw, ket kimmuyog dagiti pilid. Nagsardengda bassit iti akindaya a ruangan ti Templo, ket adda iti ngatoenda ti makapurar a lawag.

²⁰Nailasinko a dagitoy met la a parsua ti nakitak idi iti igid ti Karayan Kebar bayat ti panangawitda iti Dios ti Israel a situtugaw iti tronona.

²¹Uppat ti rupa ken uppat ti payak ti tunggal maysa kadakuada. Adda kasla ima ti tao iti baba ti tunggal payakda.

²²Umasping dagiti rupada kadagiti rupa[12] dagiti nakitak idi iti parmatak iti igid ti Karayan Kebar. Pasango ti turong ti tunggal animal.