Genesis 6:1-22 RIPV1996 - Bible AI

¹Napuskolenⓥ dagiti tattao iti daga iti dayta a panawen. Adun dagiti nayanak a babbai.

²Idi makita dagiti nailangitan a parsua[21] a napipintasda, pinilida dagiti magustoanda ket inasawada ida.

³Kinuna ni Yahweh, “Diak ipalubos nga agbiag iti agnanayon dagiti tattao[22] ta tattaoda laeng a matay. Manipud ita, saanen a nasursurok ngem 120 a tawen ti madanonda a panagbiag.”

⁴Kadagidiⓦ nga aldaw ken uray pay kadagiti sumarsaruno, addan dagiti higante iti rabaw ti daga. Isuda dagiti annak dagiti nailangitan a parsua ken dagiti babbai nga inasawada. Nalatakda ket mabigbigbigda a naindaklan a bannuar idi panawenda.

⁵Nakitaⓧ ni Yahweh a nalabesen ti kinadakes dagiti tattao iti daga ket bin-ig a kinadakes ti pampanunotenda.

⁶Nagbabawi iti panangaramidna kadakuada ken ti panangisaadna kadakuada iti daga.

⁷Kinuna ni Yahweh, “Pukawek dagitoy a tattao a pinarsuak, dagiti animal ken dagiti tumatayab. Agbabawiak a nangaramid kadakuada.”

⁸Ngem ni laeng Noe ti nasayaat iti imatangna.

⁹Daytoyⓨ ti pakasaritaan ni Noe. Tallo ti annakna a lallaki: da Sem, Ham ken Jafet. Ni la Noe ti naimbag a tao idi panawenna. Nagbiag iti pannakikadkaduana iti Dios.

¹¹Ngem nagbalin a dakes dagiti amin a tattao iti imatang ti Dios ket nagwaras ti kinadakes iti amin a lugar.

¹²Nakita ti Dios a dakes ti kasasaad ti lubong ken dakes met ti panagbiag dagiti tattao.

¹³Kinuna ti Dios ken ni Noe, “Inkeddengko a pukawen ti amin a tattao. Aglablabesen ti kinaranggas iti lubong gapu iti dakes nga aramidda. Dadaelek ida a mamimpinsan ken ti lubong.

¹⁴Mangalaka kadagiti tarikayo a sedro ket mangaramidka iti dakkel a daong nga addaan kadagiti kuarto. Pastaam iti alketran iti uneg ken iti ruar.

¹⁵Aramidem a 133 a metro ti kaatiddog, 22 a metro ti kaakaba ken 13 a metro ti kangatona.

¹⁶Ikkam iti atep nga 44 a sentimetro ti ngatngatoanna kadagiti diding. Aramidem a tallo a kadsaaran ket ikkam iti ridaw ti sikigan.

¹⁷Layusek ti daga tapno mapukaw amin a parsua. Matayto amin nga adda biagna iti rabaw ti daga.

¹⁸Ngem makitulagak kenka. Lumugankayo iti daong—sika, ti asawam, dagiti annakmo ken dagiti assawada.

¹⁹Ikuyogmo ti sangapagassawaan ti amin a kita ti animal ken ti amin a kita ti tumatayab ket dimo baybay-an a matayda.

²¹Mangalaka iti amin a kita ti taraon nga agpaay kadakayo, kasta met kadakuada.”

²²Inaramidⓩ amin ni Noe ti imbilin ti Dios kenkuana.