Job 42:1-17 RIPV1996 - Bible AI

¹Simmungbat ni Job ken ni Yahweh.

²Ammok a mannakabalinka unay, O APO, ket maaramidmo ti amin a kayatmo.

³Damagemⓢ no apay a pagduaduaak ti siribmo, idinto ta kasta unay ti kinanengnengko. Nagsaoak maipapan kadagiti diak maawatan; bambanag a nakaskasdaaw unay, saanko nga ammo.

⁴Imbagamⓣ a dumngegak bayat ti inka panagsao, ket padasek a sungbatan dagiti saludsodmo.

⁵Nadamdamagko la idi ti maipapan kenka; ngem ita, nakitaka kadagiti mismo a mata.

⁶Isut' gapuna a mabainak iti amin a naisawangko; agbabawiak ket warsiak ti bagik iti tapok ken dapu.

⁷Kalpasan ti panangisao ni Yahweh kadagitoy ken ni Job, kinunana ken ni Elifaz, “Karurodka kasta met dagiti dua a gagayyemmo, ta saan a pudno ti imbagayo maipapan kaniak, a kas ken ni Job nga adipenko.

⁸Ita ngarud, mangalakay iti pito a toro a baka ken pito a kalakian a karnero sayo ited ken ni Job, ket puoranyo dagitoy nga animal a kas datonyo. Idawdawatannakayto ni Job ket sungbatakto ti kararagna. Iti kasta, dikayto ibabain a kas iti kaikarianyo. Ngamin, saan a pudno ti imbagayo maipapan kaniak a kas iti inaramid ni Job.”

⁹Tinungpal da Elifaz, Bildad ken Zofar ti imbilin ti Yahweh nga aramidenda, ket impangag ni Yahweh ti kararag ni Job.

¹⁰Pinagrang-ayⓤ manen ni Yahweh ni Job kalpasan ti panangidawdawatna kadagiti tallo a gagayyemna. Dinoblena ti kaadu ti sigud a sanikua ni Job.

¹¹Napan kenkuana dagiti amin a kakabsatna ken dagiti sigud a gagayyemna ket nakipagrambakda kenkuana. Inyebkasda ti pannakipagriknada kenkuana ket liniwliwada gapu iti amin a rigat nga impalak-am ni Yahweh kenkuana. Nangted ti tunggal maysa kadakuada iti kuarta ken singsing a balitok.

¹²Kadagiti maudi a tawen ti panagbiag ni Job, ad-adu ti bendision nga inted ni Yahweh kenkuana ngem idi damo. Naaddaan iti 14,000 a karnero, 6,000 a kamelio, 2,000 a baka ken 1,000 nga asno.

¹³Naparaburan pay iti pito nga annak a lallaki ken tallo a babbai.

¹⁴Pinanagananna ti inauna a babai iti Jemima; ti maikadua, Kesia, ken ti maikatlo, Keren-Happuc.

¹⁵Awan ti babai iti entero a lubong a napimpintas ngem dagiti annak ni Job. Pinatawidan met ida ni Job nga amada a kas iti impatawidna kadagiti kakabsatda a lallaki.

¹⁶Nagbiag pay ni Job iti 140 a tawen ket nakitana pay dagiti appoko ken appokona iti tumeng.

¹⁷Lakay unayen idi matay.