Nehemias 11:1-36 RIPV1996 - Bible AI

¹Nagnaed idiay Jerusalem dagiti papangulo. Nagbibinnunot met dagiti dadduma a tattao tapno pilienda ti maysa a familia iti tunggal sangapulo a mapan agnaed iti nasantoan a siudad ti Jerusalem. Agnaed dagiti sabali kadagiti dadduma a siudad ken il-ili.

²Dinaydayaw dagiti tattao dagiti nagboluntario nga agnaed idiay Jerusalem.

³Ngemⓘ iti dadduma nga ili ti Juda, nagnaed ti tunggal maysa iti bukodna a daga iti ilina. Nairaman ditoy dagiti Israelita, dagiti papadi, dagiti Levita, dagiti trabahador ti Templo ken dagiti kaputotan dagidi nagserserbi ken ni Solomon. Daytoy ti listaan dagiti mabigbigbig nga umili iti probinsia ti Juda a nagnaed idiay Jerusalem:

⁴Dagiti kamkameng ti tribu ni Juda: Ni Ataias nga anak ni Uzzias ken apoko ni Zacarias. Mairaman ti dadduma a kapuonanna da Amarias, Sefatias ken Mahalalel, dagiti kaputotan ni Perez nga anak ni Juda.

⁵Ni Maaseias nga anak ni Baruc ken apoko ni Colhoze. Mairaman ti dadduma a kapuonanna da Hazaias, Adaias, Joyarib ken Zacarias, dagiti kaputotan ni Sela nga anak ni Juda.

⁶Kadagiti kaputotan ni Perez, 468 a mabigbigbig a lallaki ti nagnaed idiay Jerusalem.

⁷Dagiti kamkameng ti tribu ni Benjamin: Ni Sallu nga anak ni Mesullam ken apoko ni Joed. Mairaman ti dadduma a kapuonanna da Pedaias, Kolaias, Maaseias, Itiel ken Jesaias.

⁸Da Gabbai ken Sallai nga asideg a kabagian[7] ni Sallu. Agdagup iti 928 dagiti familia dagiti Benjaminita a nagnaed idiay Jerusalem.

⁹Ni Joel nga anak ni Zikri ti panguloda. Ni Juda nga anak ni Hassenua ti maikadua nga ofisial iti siudad.

¹⁰Dagiti papadi: Ni Jedaias nga anak ni Joyarib ken ni Jakin.

¹¹Ni Seraias nga anak ni Hilkias ken apoko ni Mesullam. Ti dadduma a kapuonanna mairaman da Zadok, Merayot ken Ahitub a mangimaton idi iti Templo.

¹²Agdagup iti 822 dagiti kamkameng daytoy a familia a nagserbi iti Templo.

¹²Adaias nga anak ni Jeroham ken apoko ni Pelalias. Mairaman ti dadduma a kapuonanna da Amzi, Zacarias, Pashur ken Malkija.

¹³Agdagup iti 242 dagiti kamkameng daytoy a kaputotan ti ulo ti familia.

¹³Ni Amasai nga anak ni Azarel ken apoko ni Azai. Mairaman ti dadduma a kapuonanna da Mesillemot ken Immer.

¹⁴Adda 128 a mabigbigbig a mannakigubat a kamkameng daytoy a familia. Ni Zabdiel a kameng ti mabigbigbig a familia ti panguloda.

¹⁵Dagiti Levita: Ni Semaias nga anak ni Hassub ken apoko ni Azrikam. Mairaman ti dadduma a kapuonanna da Hasabias ken Bunni.

¹⁶Da Sabbetai ken Josabad, mararaem a Levita a mangimaton iti trabaho iti ruar ti Templo.

¹⁷Ni Mattanias nga anak ni Mica ken apoko ni Zabdi a kaputotan ni Asaf. Impanguloanna dagiti kantores iti templo iti panagkanta iti kararag ti panagyaman. Ni Bakbukias a katulongan ni Mattanias. Ni Abda nga anak ni Sammua ken apoko ni Galal a kaputotan ni Jedutun.

¹⁸Agdagup iti 284 dagiti Levita a nagnaed iti nasantoan a siudad ti Jerusalem.

¹⁹Dagiti guardia ti Templo: Akkub, Talmon ken dagiti kakabagianda. Agdagupda iti 172.

²⁰Nagnaed ti dadduma kadagiti Israelita ken dagiti nabati a papadi ken Levita iti bukodda a daga kadagiti dadduma a siudad ken il-ili ti Juda.

²¹Dagiti trabahador iti Templo nagnaedda iti paset ti Jerusalem a managan Ofel, ket da Siha ken Gispa ti nangimaton kadakuada.

²²Ni Uzzi nga anak ni Bani ken apoko ni Hasabias ti kapatas dagiti Levita a nagnaed idiay Jerusalem. Mairaman ti dadduma a kapuonanna da Mattanias ken Mica. Nagtaud iti familia ni Asaf, ti familia nga akin-rebbeng iti musika iti panagdaydayaw iti Templo.

²³Adda dagiti bilin nga inted ti ari a mangibaga iti panagsisinnublat dagiti familia a mangipangulo iti musika iti Templo iti inaldaw.

²⁴Ni Petahias nga anak ni Mesezabel iti familia ni Zera ken iti tribu ni Juda ti nangibagi kadagiti Israelita iti palasio ti Persia.

²⁵Adu kadagiti tattao ti nagnaed kadagiti il-ili nga asideg kadagiti talonda. Nagnaed dagiti tattao iti tribu ti Juda iti siudad ti Arba, Dibon ken Jekabseel ken kadagiti kabangibang a barbarrio.

²⁶Nagnaedda pay kadagiti siudad ti Jesua, Molada, Bet Pelet,

²⁷Hazarsual ken Beerseba ken kadagiti barbarrio iti lawlawna;

²⁸iti siudad ti Siklag, Mecona agraman dagiti barbarriona,

²⁹idiay Enrimmon, Zora, Jarmut,

³⁰Zanoa, Adullam ken kadagiti kabangibang a luglugar. Nagnaedda idiay Lakis ken kadagiti asideg a taltalon ken idiay Azeka ken kadagiti kabangibangda. Kayatna a sawen, nagnaed dagiti tattao ti Juda iti nagbaetan ti Beerseba iti abagatan ken ti Tanap ti Hinnom iti amianan.

³¹Nagnaed dagiti tattao iti tribu ti Benjamin iti siudad ti Geba, Mikmas, Aija, Betel ken kabangibang a barrio,

³²Anatot, Nob, Ananias,

³³Hasor, Rama, Gittaim,

³⁴Hadad, Zeboim, Neballat,

³⁵Lod, Ono ken iti Tanap dagiti Agparpartuat.

³⁶Sumagmamano a grupo dagiti Levita iti sakup ti Juda ti natudingan a makipagnaed kadagiti Benjaminita.