Numero 1:1-54 RIPV1996 - Bible AI

¹Itiⓐ umuna nga aldaw ti maikadua a bulan iti maikadua a tawen kalpasan ti ipapanaw dagiti Israelita idiay Egipto, nagsao ni Yahweh ken ni Moises iti Tolda ti Dios[1] idiay Let-ang ti Sinai. Kinunana,

²“Bilangenyo ken ni Aaron dagiti Israelita segun ti familia ken kapuonan a nagtaudanda. Ilistayo ti nagan ti amin a lallaki

³nga agtawen iti duapulo wenno nasursurok a mabalin nga agsoldado.

⁴Agpatulongkayo iti pangulo ti kapuonan ti tunggal tribu.”

⁵Dagitoy dagiti napili iti entero a gimong para iti daytoy a trabaho. Papanguloda iti kapuonan ken turayen dagiti tribu: Ruben — Elizur nga anak ni Sedeur Simeon — Selumiel nga anak ni Zurisadai Juda — Naason nga anak ni Aminadab Issacar — Netanel nga anak ni Suar Zabulon — Eliab nga anak ni Helon Efraim — Elisama nga anak ni Amiud Manases — Gamaliel nga anak ni Pedasur Benjamin — Abidan nga anak ni Gideoni Dan — Ahiezer nga anak ni Amisadai Aser — Pagiel nga anak ni Okran Gad — Eliasaf nga anak ni Deuel Neftali — Ahira nga anak ni Enan

⁵[Tribu] — [Pangulo ti Kapuonan]

¹⁷Babaen iti tulong dagitoy sangapulo ket dua a lallaki, inummong da Moises ken Aaron ti entero a gimong iti umuna nga aldaw ti maikadua a bulan ket inrehistroda dagiti amin a tattao segun ti kapuonan ken familia a nagtaudanda. Nailista ti nagan ken nabilang dagiti agtawen iti duapulo ken nasursurok

¹⁹kas imbilin ni Yahweh. Idiay Let-ang ti Sinai ti nangsensusan ni Moises kadagiti tattao.

²⁰Nailista ti nagan dagiti lallaki a mabalin nga agsoldado nga agtawen iti duapulo wenno nasursurok kas mayannurot iti familia a nagtaudanda. Nangrugi ti listaan iti tribu ni Ruben nga inauna nga anak ni Jacob. Dagitoy ti dagupda: Ruben — 46,500 Simeon — 59,300 Gad — 45,650 Juda — 74,600 Issacar — 54,400 Zabulon — 57,400 Efraim — 40,500 Manases — 32,200 Benjamin — 35,400 Dan — 62,700 Aser — 41,500 Neftali — 53,400 Dagup: — 603,550

²⁰[Tribu] — [Bilang]

⁴⁷Saan a nairaman dagiti Levita a nailista kadagiti dadduma a tribu

⁴⁸gapu ta kinuna ni Yahweh ken ni Moises,

⁴⁹“Inton sensusem dagiti mabalin nga agsoldado, dimo iraman ti tribu ni Levi.

⁵⁰Dutokam ketdi dagiti Levita nga agaywan iti Tolda ti Dios ken amin nga alikamenna. Isuda ti para-bagkat iti tolda ken kadagiti alikamenna. Agserbida iti unegna ket agkampoda iti lawlawna.

⁵¹Tunggal yalisyo ti kampoyo, lasangenda ti tolda sadanto man met laengen sangalen iti baro a pagkampoanyo. Mapapatay ti siasinoman a saan a Levita nga umasideg iti tolda.

⁵²Agkampo dagiti dadduma nga Israelita a nabunggo-bunggoy a kas iti armada, tunggal tao iti grupona ken iti babaen ti banderana.

⁵³Ngem agkampo dagiti Levita iti lawlaw ti Tolda ti Dios tapno guardiaanda ket iti kasta awan ti umasideg a pakaigapuan ti panagdissuor ti pungtotko iti gimong ti Israel.”

⁵⁴Inaramid ngarud dagiti Israelita dagiti amin nga imbilin ni Yahweh ken ni Moises.