<section class='section'>1Tattao ti Israel, agsublikayo iti APO a Diosyo. Naitibkol ken natnagkayo gapu iti basolyo.2Agsublikayo iti APO ket yebkasyo daytoy a kararag a kas datonyo kenkuana: “Pakawanem koma dagiti basbasolmi ken ipangagmo koma ti kararagmi ket idaydayawdaka kas inkarimi.3Dinakami maisalakan ti Asiria, ket dinakami masalakniban dagiti kabalio a pakigubat. Dimi awaganen a diosmi dagiti imahen nga aramid dagiti imami. O APO, kaasiam dagiti awan sabali a pagkamanganda.”</section><section class='section'>4<t>Kuna ti Apo,</t> <t>“Pakawanekon dagiti tattaok</t> <t>Ayatek ida iti amin a pusok</t> <t>ta nagbaawen ti pungtotko kadakuada.</t>5<t>Linnaaw ti arigkonto kadagiti tattao ti Israel</t> <t>agsabongdanto a kas iti lirio.</t> <t>Agramutto a kas kadagiti kayo iti Libano.</t>6<t>Rumangpayanto dagiti sangada.</t> <t>Napintasdanto a kas iti kayo ti olibo.</t> <t>Agayamuomto ti bangloda,</t> <t>kas kadagiti sedro iti Libano.</t>7<t>Agnaeddanto manen iti salinongko.</t> <t>Lumangtodanto a kas iti minuyongan.</t> <t>Agsabongdanto a kas iti ubas.</t> <t>Agayamuomdanto a kas iti arak ti Libano.</t>8<t>Ania pay la ti pakasapulan dagiti tattao</t> <t>ti Israel<f>[26]</f> kadagiti didiosen</t> <t>idinto a siak ti mangted</t> <t>iti dawatda ken mangaywan kadakuada?</t> <t>Siak ti saleng a salinongda.</t> <t>Siak ti pagtaudan ti amin a bendisionda.”</t></section><section class='section'>9Awaten koma dagiti masirib dagiti naisurat ditoy, ket ammoenda ti kaipapananda. Ngamin, nalinteg dagiti wagas ni Yahweh, ket suroten dagiti nalinteg ti panagbiagna ngem saan nga ikankano dagiti managbasol isu a maitibkol ken matnagda.

Oseas 14:1-9 RIPV1996 - Bible AI