<section class='section'><p data-ref='Hos.3.1' data-verse='1' class=""><sup>1</sup>Kinuna ti Apo kaniak, “Inka manen,<f>[8]</f> ket ayatem ti maysa a babai a kamalala ti sabali a lalaki. Ayatem kas iti panagayatmo pay laeng kadagiti tattao ti Israel, uray no makiumanda kadagiti didiosen, ket pagay-ayatda ti mangidaton kadagiti kankanen nga ubas kadagiti didiosenda.”</p></section><section class='section'><p data-ref='Hos.3.2' data-verse='2' class=""><sup>2</sup>Ngarud, gimmatangak iti babai. Nagbayadak iti 15 a bagi ti pirak ken pito salup a sebada.</p><p data-ref='Hos.3.3' data-verse='3' class=""><sup>3</sup>Kinunak kenkuana, “Agtalinaedka kaniak. Kukuaka iti mabayag. Dika agbalangkantis wenno makikamalala ket kastaakto met kenka.”</p></section><section class='section'><p data-ref='Hos.3.4' data-verse='4' class=""><sup>4</sup>Kastoyto ti rumbeng a panagbiag dagiti tattao ti Israel. Mabayag nga awanto ti ari wenno panguloda. Awanto met ti daton wenno nasantoan nga adigi. Awanto met iti balayda ti didiosen wenno imahen.</p><p data-ref='Hos.3.5' data-verse='5' class=""><sup>5</sup>Ngem dumtengto ti tiempo nga agsublidanto manen ken ni Yahweh. Agkamangdanto iti maysa a kaputotan ni David nga arida. Agbutengdanto ken ni Yahweh ket awatendanto dagiti agkakaimbag a paraburna.</p>

Oseas 3:1-5 RIPV1996 - Bible AI