Taga-Roma 9:1-33 RIPV1996 - Bible AI

¹Pudno ti sasawek ket diak agulbod ta kukuanak ni Cristo. Paneknekan met ti konsensiak nga iturayan ti Espiritu Santo a diak agul-ulbod

²no ibagak a napalalo ti ladingitko. Saan a maep-ep ti saem ti pusok

³gapu kadagiti kailiak, isuda a kabagian ken kadaraak! No mabalin la koma, uray siak laengen ti ilunod ti Dios ken maisina ken ni Cristo gapu kadakuada.

⁴Israelitada,ⓟ ket pinagbalin ti Dios ida nga annakna. Inranudna ida iti gloriana. Nakitulag kadakuada ket intedna ti Lintegna. Adda kadakuada ti pudno a panagdaydayaw. Inawatda dagiti karina.

⁵Kaputotan ida dagiti amma, ket kadaraanda ni Cristo no maipapan iti lasag. Madaydayaw koma iti agnanayon ti Dios a mangituray iti amin![11] Amen.

⁶Diak kunaen nga awan nagbanagan ti kari ti Dios, agsipud ta saan nga amin nga Israelita ket pinili ti Dios.

⁷Saanⓠ met nga amin nga annak ni Abraham ket annak ti Dios. Kinuna ti Dios ken ni Abraham, “Dagiti annak ni Isaac ti maibilang a kaputotam.”

⁸Kayatna a sawen a saan nga amin nga annak ni Abraham ket maibilangda nga annak ti Dios. Dagiti laeng naipasngay kas mayannurot iti kari ti Dios ti maibilang a napudpudno nga annakna.

⁹Taⓡ kastoy ti inkari ti Dios: “Agsubliakto iti naituding a tiempo ket aganakto ni Sara iti lalaki.”

¹⁰Saan la a dayta. Maymaysa ti ama dagiti dua a lallaki nga annak ni Rebecca—isu ni Isaac a kapuonantayo.

¹¹Ngemⓢ tapno maipakita a ti pannakapili ti maysa kadakuada ket mayannurot iti panggep ti Dios, kinuna ti Dios ken ni Rebecca sakbay a naipasngay dagiti annakna, “Agserbinto ti inauna iti inaudi.” Kinunana daytoy sakbay nga adda inaramidda a naimbag wenno dakes. Nalawag ngarud a ti panagpili ti Dios naibatay iti bukodna a nakem, saan nga iti aniaman nga inaramidda.

¹³Kasⓣ kuna ti Nasantoan a Surat, “Inayatko ni Jacob, ngem ginurak ni Esau.”

¹⁴Ania ngarud ti makunatayo? Mangidumduma kadi ti Dios? Saan!

¹⁵Taⓤ kinunana ken Moises, “Kaasiak ti kayatko a kaasian, makipagriknaak iti kayatko a pakipagriknaan.”

¹⁶Ngarud, ti panangpili ti Dios iti maysa a tao saan a maibatay iti pagayatan wenno aramid ti tao, no di iti kaasi ti Dios.

¹⁷Taⓥ kuna ti Nasantoan a Surat iti Faraon nga ari ti Egipto, “Pinagbalinka nga ari tapno sika ti mangipakita iti pannakabalinko ken mangipakaammo iti naganko iti entero a lubong.”

¹⁸No kasta ngarud, kaasian ti Dios ti kayatna a kaasian, ket patangkenenna ti ulo ti kayatna a patangkenen.

¹⁹Nalabit a kunanto kaniak ti maysa kadakayo, “No kasta met laeng, apay ngarud a pabasolen ti Dios ti tao? Siasino aya ti makalapped iti pagayatan ti Dios?”

²⁰Ngemⓦ siasinoka kadi, tao, a sumungbat iti Dios? Saan a kuna ti nadamili iti nangdamili kenkuana, “Apay nga inaramidnak a kastoy?”

²¹Kinaagpaysona,ⓧ adda kalintegan ti agdamdamili a mangusar iti daga iti kayatna a pangusaran. Adda kalinteganna a mangaramid iti isu met laeng a nagamay a daga iti dua a damili: ti maysa agpaay iti naisangsangayan nga okasion, ket ti sabali, iti gagangay a pannakaaramat.

²²Kasta met ti inaramid ti Dios. Kayatna nga ipakita ti pungtotna ken ipakaammo ti pannakabalinna. Ngem nabayag nga inan-anusanna dagiti nakaiturongan ti pungtotna, isuda a dandanin madadael.

²³Kayatna pay nga iparangarang ti awan umasping a kinadayagna. Imbingayna ti kinadayagna kadatayo a kaasianna, datayo nga insaganana nga umawat iti daytoy.

²⁴Ta datayo ti inayabanna, saan laeng a dagiti Judio, no di pay ket dagiti Hentil.

²⁵Kastoyⓨ ti kuna ti Dios iti libro ni Oseas:

²⁵“Dagiti saanko idi a tattao, awagakto ida a ‘Tattaok.’ Ti nasion a saanko idi nga inayat, awagakto ida nga ‘Ay-ayatek.’

²⁶Ketⓩ iti mismo a lugar a nakaibagaan kadakuada, ‘Saan a dakayo dagiti tattaok,’ maawagandanto sadiay nga annak ti sibibiag a Dios.”

²⁷Ipukkawⓐ ni Isaias maipapan iti Israel: “Uray pay no kasla kaadu ti darat ti baybay ti kaadu dagiti Israelita, bassitto laeng ti maisalakan kadakuada.

²⁸Apagbiitto a leppasen ti Apo ti panangukomna iti sangalubongan.”

²⁹Kasⓑ kuna idi ni Isaias, “No ti Apo a Mannakabalin-amin dinatay inteddaan iti annak, nagbalintayo koma a kas iti siudad ti Sodoma, ket linak-amtayo koma ti linak-am ti siudad ti Gomorra.”

³⁰Ania ngarud ti kunatayo? Kunatayo a dagiti Hentil, nupay dida inkagumaan ti agbalin a nalinteg iti sangoanan ti Dios, napalintegda met babaen iti pammati.

³¹Ngem idinto a binirbirok dagiti Israelita ti linteg a mangpalinteg kadakuada iti sangoanan ti Dios, saanda a nasarakan.

³²Apay a dida nasarakan? Gapu ta saanda a binirok babaen iti pammati, no di ket babaen kadagiti aramidda. Naitibkolda iti “bato a pakaitibkolan”

³³“Kitaenyo, nangikabilak idiay Sion iti bato a pakaitibkolan dagiti tattao, Maysa a bato a pakatnaganda. Ngem dinto maibabain ti siasinoman a mamati kenkuana.”