Билер 14:1-20 KZB2010 - Bible AI

¹Бір күні Самсон Тимна [1] қаласына барып, сонда бойжеткен філістір қызына көзі түсті.

²Самсон әке-шешесіне қайтып келіп:

²— Мен бір філістір бойжеткенді көрдім. Барып, соны маған алып беріңіздерші! — деп сұрады.

³Бірақ әке-шешесі оған: — Сол қызды маған алып беріңіздерші, ол маған ұнайды! — деп өтіне берді.

³— Сол құдайсыз [2] філістірлерден барып әйел алатындай, өз руымызда, не бүкіл халқымызда қыз құрып қалды ма? — десе де, Самсон әкесінен:

⁴Жаратқан Ие осы жайтты қолданып, Исраилге сол кезде үстемдік құрған філістір жауларына қарсы әрекетін бастамақ болды, ал Самсонның әке-шешесі соны түсінген жоқ.

⁵Ақыры Самсон әке-шешесімен Тимнаға ылдилап барып, қаланың маңындағы жүзімдіктерге жетті. Аяқ астынан бір жас арыстан Самсонға ақырып шыға келді.

⁶Сол сәтте Жаратқан Иенің Рухы Самсонға құдіретпен қонып, [3] ол арыстанды лақ құрлы көрмей жай қолдарымен-ақ қақ жарып бөліп тастады. Мұны әке-шешесі көрген жоқ, өзі де айтқан жоқ.

⁷Содан Самсон Тимнаға кіріп жаңағы бойжеткенмен сөйлесіп көрді. Қыз Самсонға қатты ұнап қалды.

⁸Біраз уақыттан кейін Самсон сол бойжеткенге үйлену үшін (әке-шешесімен бірге) қайтадан барды. Өзі өлтірген арыстанның өлексесін көру үшін жолдан бұрылып, қараса, оның ішін бір үйір бал арасы жайлап алыпты, балы да бар екен.

⁹Самсон балды қолымен қырып алып, сонысын жеп кете берді. Ол әке-шешесіне қайтып қосылғанда, балдан оларға да берді. Бірақ оны арыстанның қаңқасының ішінен алғаны туралы айтқан жоқ.

¹⁰Әкесі бойжеткеннің үйіне құда түсіп барып, Самсон жас жігіттердің дәстүріне сай қонақасы берді.

¹¹Қайын жұрты Самсонды көргенде қасына еріп жүруге отыз күйеу жолдас қосты.

¹²Самсон соларға былай деді:

¹²— Мен сендерге бір жұмбақ айтайын. Егер жеті күн той тарқамайынша оны шешсеңдер, сендерге отыз бәтес жамылғы мен отыз киім беремін.

¹³Егер жұмбақты шеше алмасаңдар, онда отыз бәтес жамылғы мен отыз киімді сендер маған бересіңдер! — Олар:

¹³— Айт жұмбағыңды, естиік қандай екенін! — деп келісті.

¹⁴Сонда Самсон жұмбағын айтты:
Мықтының ішінен тәтті дәм». Жігіттер үш күн бойы жұмбақты шеше алмады.

¹⁴«Жегіштің ішінен жейтін тағам,

¹⁵Төртінші күні олар Самсонның қалыңдығына қоқан-лоқы жасап былай деді: «Күйеуіңді алдап, жұмбақтың шешуін біліп ал да, бізге айтып бер. Әйтпесе біз өзіңді әкеңнің үй ішімен бірге өртеп жібереміз. Сендер бізді осында әдейі тонау үшін шақырыпсыңдар!»

¹⁶Сонда қалыңдығы Самсонның қасында жылай беріп: — Сен мені сүймейсің, мені жек көресің! Халқымның адамдарына жұмбақ айтып, оның шешуін тіпті маған да ашпадың! — деді. Ол: — Мен шешуін тіпті өз әке-шешеме де айтқан жоқпын. Неге саған айтуым керек? — деп жауап берді.

¹⁷Сол тойдың қалған күндері қалыңдығы Самсонның қасында жылай беріп, оны мезі қылғаннан кейін, жетінші күні ол жұмбақтың шешуін қалыңдығына айтып берді. Ал ол соны жұртына жеткізді.

¹⁸Сөйтіп, қаланың адамдары жетінші күні күн батпай тұрып Самсонға: — Балдан тәтті не бар? Арыстаннан мықты не бар? — деп шешуін айтып берді. Самсон оларға астарлап: — Менің қашарыммен [4] жерді айдамасаңдар, жұмбақты шеше алмас едіңдер, — деп жауап қайырды.

¹⁹Сонда Самсонға Жаратқан Иенің Рухы құдіретпен қонып, ол (філістірлердің) Ашкелон қаласына ылдилап барып, сол жердің отыз адамын өлтірді. [5] Олардан олжа алып, отыз киімді жұмбақтың шешуін айтқандарға үлестіріп берді. Самсонның қаһары лаулап, ол әкесінің үйіне өрлеп қайта оралып, сол жерде тұрып қалды.

²⁰Ал оның қалыңдығы тойдағы ең жақын күйеу жолдасына ұзатылды.