Елшіл. істері 12:1-25 KZB2010 - Bible AI

¹Шамамен осы кезде Ирод (Агриппа) патша [1] қауымның кейбір мүшелерін тұтқындатып, зорлық-зомбылық көрсетіп,

²Жоханның туған ағасы Жақыпты [2] семсермен шауып өлтіртті.

³Осы қылығы яһудилерге ұнағанын көрген ол Петірді де қолға түсірді. Бұл Ашымаған нан мейрамының [3] кезінде болды.

⁴Осылай Ирод Петірді тұтқындатқан соң, оны түрмеге жаптырып, төрт топқа бөлінген он алты жасақшыға күзеттіріп қойды да, Құтқарылу мейрамынан кейін оны халықтың алдына шығарып, соттамақ болып ниеттенді.

⁵Сонымен Петір абақтыда күзетілді, ал қауым ол үшін Құдайға қызу жалбарынып сиынумен болды.

⁶Ирод оны халық алдында соттайтын күнгі түнде Петір екі жасақшының ортасында екі шынжырмен байлаулы ұйықтап жатты. Есіктің алдында да қарауыл абақтыны күзетіп тұрды.

⁷Кенеттен Жаратқан Иенің бір періштесі пайда болып, қапас жарқырап кетті. [4] Періште Петірді бүйірінен түртіп оятып: «Тезірек тұр!» — дегенде, оның қолдарын байлаған шынжырлар сыпырылып түсті.

⁸Періште: «Беліңді буынып, аяғыңа да ки!» — деді. Петір мұны орындағаннан кейін, періште: «Шапаныңды жамылып, маған ер!» — деп бұйырды.

⁹Сонда Петір оған ілесіп, қапастан шықты. Ол періштенің істегені өңінде болып жатқанын ұқпай, аян көріп тұрмын деп ойлады.

¹⁰Олар бірінші және екінші қарауылдан өтіп, қалаға шығатын темір қақпаға келгенде, қақпа бұларға өзінен-өзі ашыла кетті де, екеуі сыртқа шықты. Бір көшемен жүріп бара жатқанда кенеттен періште Петірдің қасынан ғайып болды.

¹¹Петір өзіне-өзі келгеннен кейін: «Иеміздің періштесін жіберіп, мені Иродтың қолынан және яһуди халқы күткеннің бәрінен құтқарғанын енді шынымен біліп тұрмын», — деді.

¹²Осыны аңғарған ол Марқа деп те аталған Жоханның [5] шешесі Мәриямның үйіне барды. Сол жерде көп бауырластар Құдайға сиынып мінажат етуге жиналған еді.

¹³Петір сыртқы есікті қаққанда, Рода есімді қызметші қыз кім екенін білу үшін құлағын тосты.

¹⁴Ол Петірді даусынан танып, қуанғанынан қақпаны ашпастан үйге жүгіріп барып:

¹⁴— Қақпаның алдында Петір тұр! — деп хабарлады.

¹⁵Ал үйдегілер: — Рас, рас! — деп тұрып алды. — Бұл оның періштесі [6] шығар, — десті олар.

¹⁵— Есің дұрыс па өзі? — деп, оған сенбеді. Бірақ ол:

¹⁶Петір үздіксіз қағып тұрды. Ақырында олар ашып, оны көргенде, қатты таңғалды.

¹⁷Петір сабыр етіңдер деп қолын сілтеп, Иеміздің оны түрмеден қалай шығарғанын әңгімелеп берді. «Осыны Жақыпқа [7] және басқа бауырластарға айтыңдар!» — деп, үйден шығып, басқа жаққа кетіп қалды.

¹⁸Таң атқанда қарауылдағылар Петірге не болғанын түсінбей, қатты састы.

¹⁹Ирод оны іздеуге бұйырып, таппаған соң күзетшілерді тергеп, өлімге кесті.

¹⁹Бұдан кейін Ирод Яһудеядан астанасы Кесарияға ылдилап барып, сонда біраз уақытқа тоқтамақ болды.

²⁰Ол Тир мен Сидонның тұрғындарына қатты өшігіп алған еді. Екі қала өзара келісіп, өкілдерін жіберді. Бұлар патшаның уәзірі Бластты өздерін жақтауға көндіргеннен кейін: «Бітімге келейік», — деп өтінді. Себебі олардың аймағы патша елінен азық-түлік алып тұратын.

²¹Белгіленген күні Ирод патшалық сән-салтанатпен киініп, мінбедегі тағына отырды да, өкілдерге арнап сөз сөйледі.

²²Жиналған халық оған: «Адам емес, құдай сөйлеп тұр!» — деп айқайлай берді.

²³Ирод Құдайға тиісті құрметті көрсетпегендіктен, [8] Жаратқан Иенің періштесі оған дереу жаза жіберді: Ирод тірідей құртқа жем болып өлді.

²⁴Ал Құдайдың сөзі кеңінен тарап, сенушілердің саны өсе берді.

²⁵Барнаба мен Саул өздеріне жүктелген міндетті Иерусалимде орындап болып, (Антақияға) қайта оралды. Олар Марқа деп те аталған Жохан [9] есімді жігітті де ертіп алды.