Елшіл. істері 19:1-40 KZB2010 - Bible AI

¹Аполлос Қорынтта болған кезде, Пауыл Кіші Азияның таулы өңірлерін аралап жүріп, соңында Ефеске жетті. [1] Сол жерде ол Иеміздің бірнеше шәкірттеріне кездесті.

²Пауыл олардан: — Киелі Рухтың бар екендігі туралы естіген де емеспіз, — деп жауап берді.

²— Сендер сенген кезде Киелі Рухты қабылдадыңдар ма? — деп сұрады. Шәкірттер:

³Ал Пауыл: — Жақияның рәсімінен, — деп жауап қайтарды. [2]

³— Кімнің суға шомылдыру рәсімінен өттіңдер? — деп сұрады. Олар:

⁴Сонда Пауыл былай деп түсіндірме берді:

⁴— Жақия адамдарды теріс жолдан қайтарып шомылдыру рәсімінен өткізгенде оларға: «Менен кейін келетін Кісіге сеніңдер!» деп айтты. [3] Сол Кісі Иса болатын.

⁵Шәкірттер осыны естігенде Иеміз Исаның атымен [4] шомылдыру рәсімінен өтті.

⁶Пауыл үстеріне қолын қойғанда, оларға Киелі Рух қонды; содан бұлар бөтен тілдерде сөйлеп, Құдайдың хабарларын жеткізе бастады. [5]

⁷Олардың барлығы шамамен он екі ер адам еді.

⁸Пауыл үш ай бойы мәжілісханаға барып, именбей, емін-еркін уағыз айтып, адамдармен сөйлесіп, Құдай Патшалығы туралы шындыққа сенерліктей дәлел келтіріп берді.

⁹Алайда кейбіреулері қасарысып, Иемізге сенгісі келмей, Оның ізгі жолына ел алдында тіл тигізе бастады. Сонда Пауыл бұлардан бөлініп кетті де, Иеміздің шәкірттерін олардан айырып алды. Бұдан былай ол Тиран есімді кісінің дәрісханасында күн сайын тәлім беріп жүрді.

¹⁰Бұл екі жылға созылып, яһудилер болсын, гректер болсын Азия аймағының барлық тұрғындары Иеміз туралы Ізгі хабарды естіді.

¹¹Құдай Пауыл арқылы айрықша құдіретті кереметтер де жасады:

¹²адамдар тіпті Пауылдың жұмысқа киген алжапқышын немесе беторамалын алып, науқастардың үстіне жапқанда, олар ауруларынан айығып, бойларын буған жындарынан құтылды.

¹³Ал ел аралап, адамдардан жындарын қуып шығарушы кейбір яһудилер жын буғандар үшін дұға оқып, Иеміз Исаның атын қолдана бастады: — Саған Пауыл уағыздап жүрген Иса арқылы бұйырамын, — деді.

¹⁴Яһуди бас діни қызметкер әулетінен шыққан Скеуаның жеті ұлы осылай істеп жүрді.

¹⁵Алайда бірде жын бұларға жауап беріп:

¹⁵— Исаны білемін, Пауыл да маған таныс, ал сендер кімсіңдер? — деді.

¹⁶Содан жыны бар кісі оларға бас салып, жерге жығып, бәрін де жеңіп шықты. Ағайындылар сол үйден жалаңаш, ұрылған-соғылған күйі қашып шықты.

¹⁷Бұл оқиға Ефесте тұратын барлық яһудилер мен гректерге мәлім болып, бәрін үрей биледі. Ал Иеміз Исаның даңқы арта түсті.

¹⁸Сенушілердің көбі келіп, күнәлі іс-әрекеттерін ашық мойындады.

¹⁹Бақсы-балгерлікпен айналысып келгендердің бірсыпырасы сиқырлық кітаптарын әкеліп, барлығының көз алдында өртеп жіберді. Кітаптардың құнын есептегенде, елу мың күміс теңге [6] болды.

²⁰Иеміздің Ізгі хабары осылай кең тарап, құдіретін көрсетті.

²¹Осы оқиғалардан кейін Пауыл Киелі Рухтың жетелеуімен (грек елінің) Македония мен Ахая өлкелері арқылы Иерусалимге баратын шешімге келді. «Сонда болғаннан кейін Римге де соғуға тиістімін», — деді.

²²Көмекшілерінің арасынан Тімоте мен Ераст екеуін Македонияға жіберіп, өзі тағы біраз уақыт Азия аймағында қала тұрды.

²³Сол кезде (аймақ орталығы) Ефесте Иеміздің жолына қарсы үлкен толқу болып жатты.

²⁴Деметір есімді күміс зергері жергілікті шеберлерге әйел тәңір Артемидаға арналған киелі үйдің күміс кейіптерін жасатып, олардың көп кіріс келтірулеріне жағдай туғызған еді.

²⁵Деметір шеберлерді және олардың көмекшілерін жинап алып, оларға былай деді:

²⁵— Уа, ер азаматтар, біздің жақсы тұрмысымыздың осы кәсібімізге байланысты екенін білесіңдер.

²⁶Сендер мына Пауыл дегеннің Ефесте ғана емес, тіпті бүкіл Азиядағы көптеген кісілерді өз дегеніне көндіріп, адастырып жүргенін естіп-көріп жүрсіңдер. Ол адамдарға: «Қолдан жасалған тәңірлер шынайы құдай емес» дегенді айтып жүр.

²⁷Бұл біздің кәсібіміздің жақсы атына ғана қауіп туғызбай, ұлы әйел тәңір Артемидаға арналған ғибадатхана да өз беделінен ада болып, тіпті Азия мен бүкіл дүние жүзі табынатын әйел тәңірдің өзі де ұлы даңқынан айырылып қалады! —

²⁸Осыны естігенде зергерлерді ашу кернеп, олар:

²⁸— Ефестің Артемидасы даңқталсын! — деп айқайлай бастады.

²⁹Бүкіл қала қозғалысқа түсті. Адамдар Пауылдың Гай мен Арыстарқ есімді македониялық серіктерін ұстап алып, сүйрелеп, бәрі бір адамдай ойын-сауық алаңына [7] қарай лап қойды.

³⁰Пауыл халық алдына шыққысы келіп еді, бірақ сенушілер оны жіберген жоқ.

³¹Пауылмен достасқан Азия аймағы әкімшілігінің кейбір уәкілдері де оған алаңға жоламасын деген ескерту жіберді.

³²Алаңда жиналғандардың біреулері анау деп, біреулері мынау деп айқайлап, шым-шытырық болды. Көпшілігі тіпті бұл жерге не үшін жиналғандарын білген де жоқ.

³³Яһудилердің ұсынысымен [8] Ескендір тобырдың ішінен алға шығарылды. Ескендір қолымен тыныштыққа шақырып, халыққа арнап сөз сөйлемек болды.

³⁴Ал жиналғандар оның яһуди екенін білгенде, бәрі бірауыздан екі сағат бойы:

³⁴— Ефестің Артемидасы даңқталсын! — деп айқайлап тұрып алды.

³⁵Ақыр соңында қаланың хатшысы халықты тыныштандырып, былай деді: — Уа, ефестік ер азаматтар! Ұлы Артемиданың «аспаннан түскен бейнесінің» және оған арналған ғибадатхананың сақтаушысы — Ефес қаласы! Соны әлемдегі кім білмейді?!

³⁶Бұл — даусыз нәрсе ғой! Сондықтан тыныштық сақтап, еш ағаттық істемегендерің дұрыс!

³⁷Мына кісілерді осында алып келдіңдер. Олар ғибадатхананы тонаған да емес, әйел тәңірімізге тіл тигізген де емес.

³⁸Егер де Деметір мен оған еріп келген шеберлердің біреудің үстінен шағымдары болса, сол үшін сот мәжілістері және аймақ әміршілері бар. Олар өзара арыз-шағымдарын сонда апарсын!

³⁹Ал тағы басқа мәселені көтергілерің келсе, ол заңды мәжілісте шешіледі.

⁴⁰Бүгінгі оқиғаға байланысты «көтеріліске шықтыңдар» деген айып басымызға төніп тұр. Себебі осы толқу жөнінде бізді ақтап алар еш сылтау жоқ.

⁴⁰Хатшы осылай деп, жиналысты таратып жіберді.