Жаратылыстың баст. 22:1-24 KZB2010 - Bible AI

¹Осы оқиғалардан соң Құдай Ыбырайымды сынамақ болып, оны: — Ыбырайым! — деп шақырды. Ол: — Тыңдап тұрмын, — деп жауап берді.

²Сонда Құдай оған:

²— Сен өзіңнің жақсы көретін жалғыз ұлың Ысқақты [1] ертіп алып, Мория жеріне бар. Оны сол жерде Мен саған көрсететін тауға апарып, құрбандыққа шалып, өртеп жібер! — деп бұйырды.

³Ыбырайым таңертең ерте тұрып, есегін ерттеп, жастау екі қызметшісін және ұлы Ысқақты өзімен бірге ертіп алды. Ол құрбандық отына жеткілікті етіп отындық ағаш жарып алып, Құдай өзіне айтқан жерге қарай жолға шықты.

⁴Үшінші күн дегенде, Ыбырайым айналасына көз жүгіртіп, сол жерді алыстан көрді.

⁵Сонда ол қызметшілеріне: «Сендер есекпен осы жерде қалыңдар. Балам екеуіміз сол жерге өрлеп барып, Құдайға ғибадат етеміз, содан кейін сендерге қайтып келеміз», — деді.

⁶Ыбырайым құрбандық отына арналған ағашты баласы Ысқаққа арқалатып, өзі шоқ салынған ыдыс пен пышақты қолына ұстап, екеуі бірге әрі қарай жүріп кетті.

⁷Сонда Ысқақ әкесіне: — Иә, ұлым, не айтайын деп едің, — деді. Ысқақ: — Бізде шоқ пен отын бар, ал құрбандыққа шалынып, өртелетін қой қайда? — деп сұрады.

⁷— Әке! — деп тіл қатты. Ыбырайым:

⁸Ыбырайым:

⁸— Ұлым, Құдай құрбандыққа шалынып, өртелуге қажетті қойды Өзі береді, — деді. Осылай екеуі бірге әрі қарай жүре берді.

⁹Олар Құдай белгілеп берген жерге келгенде, Ыбырайым құрбандық өртейтін орын жасап, оның үстіне отындық ағаштарды қаластырды. Мұнан соң Ысқақты байлап, осы ағаштардың үстіне жатқызды.

¹⁰Содан кейін Ыбырайым пышағын қолына алып, ұлын бауыздамақ болды.

¹¹Ал сол сәтте Жаратқан Иенің періштесі оған көктен дауыстап: — Тыңдап тұрмын, — деп жауап берді.

¹¹— Ыбырайым! Ыбырайым! — деп тіл қатты. Ол:

¹²Періште:

¹²— Балаңа қол көтерме, оған ештеңе істеме! (Құдай былай дейді:) енді сенің Өзімді терең қастерлейтініңе [2] көзім жетті. Себебі Менен өзіңнің жалғыз ұлыңды да аямадың, — деді.

¹³Ыбырайым төңірегіне көз тастағанда, қалың бұтаның ішінде мүйізінен шырмалып қалған қошқарды көрді. Ол барып, қошқарды әкелді де, оны ұлының орнына құрбандыққа шалып, өртеп жіберді.

¹⁴Осы жерге Ыбырайым «Жаратқан Ие қажетіңді береді» [3] деген ат қойды. Сондықтан да күні бүгінге дейін жұрт: «Жаратқан Ие қажетіңді өз тауында береді», — дейді. [4]

¹⁵Жаратқан Иенің періштесі Ыбырайымға екінші рет көктен дауыстап былай деді:

¹⁶«Жаратқан Ие мынаны айтады: сен осылайша істеп, жалғыз ұлыңды Менен аямағаның үшін өз атыммен ант етемін:

¹⁷саған ақ батамды шүбәсіз үйіп-төгіп бере отырып, аспандағы жұлдыздар мен теңіз жағалауындағы құм қиыршықтары қаншалықты көп болса, Мен сенің ұрпақтарыңды да соншалықты сансыз етіп көбейтемін. Олар жауларын жеңіп, қалаларын басып алатын болады.

¹⁸Сенің ұрпағың арқылы жер бетіндегі барлық ұлттарға ақ батам қонатын болады. Себебі сен Менің тілімді алып жүрдің».

¹⁹Бұдан кейін Ыбырайым қызметшілерінің қасына қайта оралып, бәрі Бер-Шебаға қарай жол тартты. Содан Ыбырайым сол маңайда қоныстанып тұрып қалды.

²⁰Осы оқиғалардан соң Ыбырайымға: «Ініңіз Нахордың әйелі Мылқа да бірнеше ұлдың анасы болды» деген хабар келіп жетті.

²¹Атап айтқанда, ол тұңғышы Усты, оның інісі Бузды, Араманың әкесі Кемуелді

²²және Кесетті, Хазоны, Пилдашты, Идлафты, Бетуелді дүниеге келтірді.

²³Осы Бетуелдің қызы Рабиға [5] болды. Сол сегіз ұлды Мылқа Ыбырайымның інісі Нахорға туып берді.

²⁴Ал Нахордың Рехума есімді кәнизагы [6] Тебах, Ғахам, Тахаш, Маха атты төрт ұл тапты.