Жаратылыстың баст. 38:1-30 KZB2010 - Bible AI

¹Сол кездері Яһуда бауырларынан бөлініп кетіп, адулламдық Хирах есімді кісінің қасына қоныстанды.

²Осы жерде ол Шуа деген қанахандықтың қызымен кездесіп, оған үйленді.

³Содан әйелі бала көтеріп, ұл туды. Яһуда оның атын Ер деп қойды.

⁴Әйелі тағы да ұл туып, оған Онан деген есім берді.

⁵Мұнан кейін де әйелі ұлды болып, оны Шелах деп атады. Ол туғанда Яһуда Хезіб қаласында [1] болатын.

⁶Тұңғышы Ер есейіп, Яһуда оған әйел алып берді, оның аты Тамар еді.

⁷Бірақ Ердің мінез-құлқы Жаратқан Иеге жек көрінішті болғандықтан, Жаратқан Ие оның өмірін қысқа қылды.

⁸Сонда Яһуда Онанға: «Жеңгеңе әмеңгер болып үйлен. Осылай ағаң марқұмның үрім-бұтағын жалғастыр», [2] — деді.

⁹Ал Онан Тамардан туатын балалары өз ұрпағы болып саналмайтынын білгендіктен, онымен жақындасқанда ағасынан ұрпақ қалдырмау үшін шәуетін [3] төгіп тастап отырды.

¹⁰Онанның бұл қылығын Жаратқан Ие жек көріп, оның да өмірін қысқа қылды.

¹¹Сонда Яһуда Тамарға: «Кенже ұлым Шелах үлкейгенше әкеңнің үйінде жесір болып отыра тұр», — деді. Ал шынында ол Шелах та ағалары сияқты өліп қалмай ма деп уайымдап, келінін алдамақ болды. Сонымен Тамар әкесінің үйіне қайтып барып, сонда тұрып қалды.

¹²Көп уақыт өткен соң Яһуданың өз әйелі — Шуаның қызы қайтыс болды. Аза тұту мерзімі аяқталысымен Яһуда адулламдық досы Хирахпен Тимнада қойларын қырықтырып жатқан адамдарына өрлеп бару үшін жолға шықты.

¹³Ал Тамарға біреулер: «Қайын атаң қойларын қырықтыруға Тимнаға қарай өрлеп бара жатыр», — деп хабарлады.

¹⁴Шелах ержетсе де, Яһуданың өзін Шелахқа қоспайтынына Тамардың көзі әбден жеткен болатын. Сондықтан ол жесірлік киімдерін әдеттегідей киімдермен ауыстырып, ешкім танымасын деп бетін пердемен жауып алды. Осылай ол Тимнаға баратын жол бойындағы Енаимға барып, қала қақпасының жанына жайғасты.

¹⁵Яһуда Тамарды көргенде оны жезөкше әйел екен деп ойлады, өйткені ол бетін пердемен жауып алған еді.

¹⁶Оның өз келіні екенін білмей, көшеден бұрылып келіп, оған: — Маған кіріп шықсаңыз, не бересіз? — деп сұрады.

¹⁶— Жүр, мен саған кіріп шығайын, — деді. Әйел:

¹⁷— Саған отарымнан бір лақ беріп жіберемін. — Маған лағыңызды жібергенше кепілдікке бір нәрсеңізді бере тұрыңыз.

¹⁸Яһуда: — Мөріңізді, бауыңызды, қолыңыздағы таяғыңызды, — деп талап етті. Яһуда оған сұрағандарын берді. Онымен болып шыққаннан кейін Тамар жүкті болды.

¹⁸— Қандай кепілдік беруім керек? — деп сұрағанда әйел:

¹⁹Сол жерден шығысымен ол бетпердесін алып тастап, жесірлік киімдерін қайтадан киіп алды.

²⁰Яһуда қалдырған кепілдік заттарын қайтарып алу үшін лақты адулламдық досы арқылы беріп жіберген еді, бірақ ол әйелді таба алмады.

²¹Сонда досы сол жердің тұрғындарынан: — Мұнда жезөкше болған емес, — деді.

²¹— Енаимға баратын жолда отырған жезөкше қайда? — деп сұрады. Олар:

²²Досы Яһудаға қайтып келіп:

²²— Оны таппадым. Жергілікті адамдар сол жерде ешқандай жезөкшенің болмағанын айтты, — деді.

²³Яһуда:

²³— Онда сол заттар әйелде қала берсін, әйтпесе күлкіге қалып жүрерміз. Мен оған лақты жіберуін жібердім, бірақ сен оны таба алмадың ғой, — деп шешті.

²⁴Үш айдан кейін Яһудаға мынадай хабар келіп жетті: — Келініңіз Тамар жеңіл жүріске салынып, жүкті болып қалған көрінеді! — Сонда Яһуда: — Оны алып шығып, өртеу керек, — деп бұйырды.

²⁵Тамарды қаланың сыртына алып шыққан кезде ол қайын атасына кісі жіберіп: — Мен мына заттардың иесінен жүкті болып қалдым! Анықтап қараңыз: мөр, бау және таяқтың иесі кім екенін білесіз бе? — деп сәлем айтты.

²⁶Яһуда заттарды танып тұрып:

²⁶— Ол менен әділірек, себебі мен оны ұлым Шелахқа қосқан жоқпын, — деді. Ал мұнан кейін ол Тамармен қайтадан жақындасқан жоқ.

²⁷Босанатын уақыты келгенде Тамардың егіз туатыны белгілі болды.

²⁸Ол босанып жатқан кезде алдымен біреуінің қолы шықты. Босандырушы әйел бір қызыл жіпті алып, қолға байлап: «Бұл бірінші болып шықты», — деді.

²⁹Бірақ ол қолын қайта тартып алып, оның сыңары бірінші болып туды. Босандырушы әйел таңғалып: «Сен қалайша бұзып-жарып бірінші боп шықтың?» — деді. Сондықтан оған Парес («Бұзып-жарушы») деген ат қойды.

³⁰Одан кейін қолына қызыл жіп байланған інісі де туды. Оны Зарах («Қызыл», «Таң шапағы») деп атады.