Жохан 1:1-51 KZB2010 - Bible AI

¹Әуел баста Сөз болатын, [1] Сөз Құдайда болатын, Сөз Құдай еді.

²Сөз әуелден-ақ Құдайда болатын.

³Құдай бәрін Сөз арқылы жаратқан, жаратылған ештеңе де Онсыз пайда болмаған.

⁴Сөз өмірдің бастауы болған. Сол өмір адамзат үшін Нұр [2] еді.

⁵Нұр түнекте жарқырайды, ал түнек Нұрды жеңе алған емес. [3]

⁶Құдай жіберген Жақия [4] есімді адам болды.

⁷Жақия Нұрдың куәсі болып, барлық адамдарды өзінің куәлігі арқылы Нұрға сендіру үшін келді.

⁸Жақияның өзі Нұр емес еді, ол Нұр туралы хабарлау үшін келген болатын.

⁹Әр адамға сәулесін түсіретін шынайы Нұр бұл дүниеге келе жатты. [5]

¹⁰Ол бұл дүниеде бар еді, бірақ әлемді жаратқан Сол болса да, адамдар Оны таныған жоқ.

¹¹Өзі таңдап алған халқына [6] келгенімен, олар Оны қабылдамады.

¹²Бірақ Оны қабылдап, Оған сенім артқандардың бәрін Ол Құдайдың рухани балалары [7] болуға құқықты етті.

¹³Бұлар табиғи жолмен, пенденің қалауы бойынша бұл дүниеге келгендіктен емес, Құдай оларға шынайы өмір бергендіктен ғана Оның рухани балалары болды. [8]

¹⁴Сөз адамға айналып, арамызда өмір сүрді. [9] Сонда біз Әкенің жалғыз рухани Ұлының [10] асқан ұлылығын көрдік: Ол рақымдылық пен шындыққа толы еді.

¹⁵Жақия пайғамбар Ол туралы дауыстап куәлік етіп:

¹⁵— Менен кейін Келе Жатқанның жолы менен үлкен, өйткені Ол мен тумастан бұрын бар болатын [11] деген Кісім Осы, — деді.

¹⁶Оның шексіз рақымынан бәріміз молынан жарылқанып келеміз.

¹⁷Құдай ата-бабаларымызға Таурат заңын Мұса пайғамбар арқылы берді, [12] ал рақым мен шындық бізге Иса Мәсіх арқылы жетті. [13]

¹⁸Құдайды ешкім ешқашан көзімен көрген емес. [14] Әкесімен тығыз байланыстағы жалғыз рухани Ұлы бізге Оны жақыннан танытты. [15]

¹⁹Жақия былай деп куәлік берген еді: яһудилердің басшылары [16] діни қызметкерлер мен леуілік көмекшілерді [17] Иерусалим қаласынан Жақияға жіберіп, «Сен кімсің?» — деп сұратты. Сонда ол жауап беруден бас тартпай:

²⁰— Мен (Құдай жіберемін деп уәде берген Құтқарушы) Мәсіх емеспін, — деп ашық айтты.

²¹Олар: — Жоқ, ол емеспін, — деді. — Мүмкін, сен (Мұса Құдай жібереді деген) пайғамбар [19] шығарсың? — Жақия: — Жоқ, — деп жауап қатты.

²¹— Онда сен кімсің? (Мәсіхтен бұрын қайтып келуге тиісті) Ілияс пайғамбарсың [18] ба? — деп сұрады. Жақия:

²²Олар:

²²— Бізді жібергендерге жауап беруіміз үшін кім екеніңді айтшы! Өзің туралы не дейсің? — деп сұрады.

²³Жақия:

²³— Ишая пайғамбар «Жар салған дауыс шығады айдалада: Жаратқан Иеге түзу қылып даңғыл жолды салыңдар!» [20] деп алдын ала айтып кеткен болатын. Жар салған сол хабаршы менмін, — деп жауап қайырды.

²⁴Сонда парызшылдар тобынан [21] жіберілген кісілер де болды.

²⁵Олар Жақияға сұрақ қойып:

²⁵— Егер сен не Мәсіх, не Ілияс, не келуге тиісті пайғамбар болмасаң, неліктен адамдарды (Құдай жолына түсіріп) суға шомылдыру рәсімінен өткізесің? [22] — деді.

²⁶Жақия оларға:

²⁶— Мен тек суға шомылдыру рәсімін ғана орындаймын. Ал араларыңда сендер танымайтын Біреу тұр.

²⁷Ол менен кейін келе жатыр, бірақ мен Оның құлы болып кебісін әперуге де тұрмаймын, [23] — деп жауап берді.

²⁸Бұл оқиға Жақия шомылдыру рәсімін орындап жүрген Иордан өзенінің шығысындағы Бетанияда [24] болды.

²⁹Келесі күні Жақия өзіне қарай келе жатқан Исаны көріп: — Қараңдар, Мынау — Құдайдың құрбандыққа жіберген «Тоқтысы»! [25] Ол адамзаттың күнәсін өз мойнына артып, сол үшін жанын қияды.

³⁰«Менен кейін Біреу келе жатыр, Оның жолы менен үлкен, өйткені Ол мен тумастан бұрын бар болатын» дегенімде, Сол туралы айтқан едім. [26]

³¹Бұрын мен де Оның шынымен кім екенін білмейтін едім. [27] Бірақ Оны Исраил халқына таныстырып, адамдарды шомылдыру рәсімінен өткізу үшін осы жерге келдім, — деді.

³²Содан кейін Жақия куәлік етіп: — Мен Киелі Рухтың [28] көгершін бейнесінде көктен түсіп, Исаға қонғанын көрдім.

³³Исаны бұрын шынымен танымайтын едім. Бірақ мені шомылдыру рәсімін орындауға жіберген Құдай маған: «Сен Киелі Рухтың Біреуге қонғанын көргенде, Киелі Рухқа Шомылдырушының Соның Өзі екенін білесің» деген болатын.

³⁴Мен Киелі Рухтың Исаға қонғанын көріп, Оның Құдайдың рухани Ұлы [29] екеніне куәгер болдым, — деді.

³⁵Келесі күні Жақия мен оның екі шәкірті тағы сол жерде тұрды.

³⁶Ол қастарынан өтіп бара жатқан Исаны көріп: «Қараңдар, Мынау — Құдайдың құрбандыққа жіберген Тоқтысы!» [30] — деді.

³⁷Екі шәкірті Жақияның айтқанын естіп, Исаның соңынан ере бастады.

³⁸Иса бұрылып, олардың Өзіне ергенін көріп: — Раббы! — арамей тіліндегі мағынасы «Ұстаз!» — Сіз қайда тұрып жатырсыз? — деп сұрады.

³⁸— Сендер не іздеп жүрсіңдер? — деді. Олар Исадан:

³⁹Иса:

³⁹— Келіңдер де көріңдер! [31] — деді. Олар келіп, Исаның тұрған жерін көрді де, сол күні Онымен бірге болды. Уақыт түстен кейінгі сағат төрттің [32] шамасы еді.

⁴⁰Жақиядан Иса туралы естіп, Оған ерген екеудің бірі Шимон Петірдің інісі Әндір [33] еді.

⁴¹Ол ең алдымен ағасы Шимонды тауып алып:

⁴¹— Біз Мәсіхтің Өзін таптық! — деді. Ал «Мәсіх» Құдай тағайындаған Құтқарушы Патша дегенді білдіреді. [34]

⁴²Содан кейін Әндір Шимонды Исаға ертіп келді. Иса Шимонға қарап: — Сен Жоханның ұлы [35] Шимонсың. Бұдан былай Кефа деп аталасың, — деді. Кефа грекше — Петір, яғни «Тас». [36]

⁴³Келесі күні Иса Ғалилея аймағына бармақшы болды. Иса Філіпті [37] тауып, оған: «Менің шәкіртім болып соңымнан ер», — деді.

⁴⁴Філіп те Әндір мен Петір тұратын Бетсайда қаласынан еді.

⁴⁵Філіп Натанайылды тауып алып, оған:

⁴⁵— Біз Мұса Тауратта жазған, басқа пайғамбарлар да өз жазбаларында айтып кеткен Мәсіхті [38] таптық! Ол — назареттік Жүсіптің ұлы [39] Иса! — деді.

⁴⁶Бірақ Натанайыл: — Келіп, өзің көр! [41] — деді.

⁴⁶— Сол Назареттен не жақсылық шығар дейсің? [40] — деп жауап қатты. Філіп оған:

⁴⁷Иса өзіне қарай келе жатқан Натанайылды көргенде: — Мынау — қулық-сұмдығы жоқ, нағыз исраилдік, — деді.

⁴⁸Натанайыл: — Сені Філіп шақырмай тұрып, інжір ағашының астынан көріп едім, — деді.

⁴⁸— Сіз мені қайдан білесіз? — деп сұрады. Иса:

⁴⁹Натанайыл (өзін Исаның інжір ағашының қалың жапырағының астынан көре алғанына қайран қалды да):

⁴⁹— Ұстаз, Сіз Құдайдың рухани Ұлысыз, Исраилдің Патшасысыз! [42] Соған көзім жетті, — деп жауап берді.

⁵⁰Иса оған:

⁵⁰— Мен «сені інжір ағашының астынан көрдім» дегенді ғана айтқанда, Маған сендің. Әлі бұдан да зорды көресің! — деді.

⁵¹— Сендерге өте маңызды шындықты айтайын: [43] бұдан былай көктің ашылғанын көресіңдер! Сонда Құдайдың періштелері көкке көтеріліп кетіп әрі Құдай тағайындаған Билеуші — Маған [44] түсіп келіп тұратын болады. [45]