Жохан 19:1-42 KZB2010 - Bible AI

¹Осыдан кейін Пилат Исаны қамшымен соқтырды.

²Бір топ жасақшы [1] тікенді бұтақшалардан «тәж» өріп, оны Исаның басына кигізді. Оның үстіне бір қызыл шапанды [2] жапты.

³Олар Исаның қарсы алдына тұра қалып: «Яһудилердің Патшасы жасасын!» [3] — деп, шапалақпен бетінен ұра берді.

⁴Пилат қайтадан сыртқа шығып, яһуди басшыларына: — Қараңдар, мен Оны сендерге әкеле жатырмын: Одан ешқандай кінә таппай тұрмын, соны біліңдер! — деді.

⁵Иса басындағы тікен тәжімен, үстіндегі қызыл шапанымен сыртқа шықты. Пилат яһудилерге: — Қараңдар, сол Адам — Мынау! — деді.

⁶Басты діни қызметкерлер мен олардың сақшылары Исаны көргенде: — Айқышқа шегеленсін! Айқышқа! — деп айқай салды. Пилат оларға: — Оны өздерің алып, айқышқа шегелеңдер! Себебі мен Одан ешқандай кінә таппай тұрмын, — деді.

⁷Яһуди басшылары оған:

⁷— Біздің Таурат заңымыз бар, [4] сол бойынша Ол өлуге тиіс, себебі Ол Өзін «Құдайдың (рухани) Ұлымын» деп жүр, [5] — деді.

⁸Пилат осыны естігенде бұрынғыдан бетер қорқып кетті. [6]

⁹Сарайға қайта кіріп, Исадан:

⁹— Сен қайдан шыққансың? — деп сұрады. Бірақ Иса оған жауап берген жоқ.

¹⁰Сонда Пилат:

¹⁰— Менімен сөйлескің келмей ме? Сені босатып жіберу де, айқышқа шегелетіп өлтіру де менің билігімде екенін білмейсің бе? — деді.

¹¹Иса оған:

¹¹— Көктен берілмесе, [7] Маған билігіңіз жүрмес еді. Сондықтан Мені ұстап бергеннің күнәсі [8] сіздікінен де үлкен, — деп жауап қайтарды.

¹²Содан Пилат Исаны босатып жіберуге тырысты. [9] Бірақ яһуди басшылары: — Егер Оны босатып жіберсеңіз, Рим патшасының досы емессіз! Өзін-өзі патшамын деген әркім Рим патшасына қарсы! — деп айқай салды.

¹³Осы сөздерді естіген соң Пилат Исаны сыртқа шығартып, өзі Тастөселген деп аталатын алаңдағы төрелік тағына отырды. Сол алаңның жергілікті аты — Ғаббата.

¹⁴Бұл Құтқарылу мейрамынан бір күн бұрын түскі сағат он екілерде болған еді. Пилат яһудилерге:

¹⁴— Міне, Патшаларың! — деді.

¹⁵Бірақ олар: — Мен айқышқа сендердің Патшаларыңды шегелетейін бе?! — деген сұрақ қойды. Басты діни қызметкерлер: — Рим патшасынан басқа ешқандай патшамыз жоқ! — деп жауап берді.

¹⁵— Алып кетіңіз Оны, айқышқа шегеленсін! — деп айқай салды. Пилат оларға:

¹⁶Сонда Пилат олардың дегеніне көніп, Исаны айқышқа шегелеп өлтіруге бұйырды. Сонымен жасақшылар Исаны ұстап алып кетті.

¹⁷Иса айқыш ағашын Өзі арқалап, қаладан шықты да, Маңдайтөбе [10] деп аталатын жерге қарай бет алды. Мұның жергілікті аты — Ғолғота.

¹⁸Жасақшылар Исаны басқа екі адаммен бірге, біреуін оң, екіншісін сол жағына, ал орталарына Исаны қойып, үш айқыш ағашқа керіп шегелеп тастап, тік көтеріп қойды. [11]

¹⁹Пилат тақтайша жасатып, айқыштың жоғарғы жағына бекіттірді. Оның бетінде «Назареттік Иса — Яһудилердің Патшасы» деп жазылған еді.

²⁰Мұны көптеген яһудилер оқыды, себебі Иса айқышқа шегеленген жер қалаға жақын еді, әрі жазу еврейше, латынша және грекше жазылған болатын.

²¹Ал яһудилердің басты діни қызметкерлері Пилатқа былай деді:

²¹— «Яһудилердің Патшасы» емес, «Мынау Яһудилердің Патшасымын деді» деп жазыңыз!

²²Пилат оларға: — Мен жазарымды жазып қойдым, — деп жауап қатты.

²³Жасақшылар Исаны айқышқа шегелеп, көтергеннен кейін Оның сырт киімдерін төртеуі тең бөлісіп, көйлегін де алды. Көйлегі басынан аяғына дейін тігіссіз тұтас тоқылған еді.

²⁴Сол себепті олар бір-біріне: «Бұны жыртпайық, жеребе салып, кімге түсетінін шешейік», — деді. «Жау жамылғымды бөлісіп алады, киімім үшін жеребе салады» деп Забурда жазылған сөздер [12] осылай орындалды. Мұны жасақшылар жүзеге асырды.

²⁵Иса шегеленген айқыштың қасында Оның шешесі, нағашы әпкесі, Клеопаның әйелі [13] Мәриям және мағдалалық Мәриям тұр еді.

²⁶Иса шешесін және оның қасында тұрған, Өзін жақсы көретін шәкіртін [14] көргенде, шешесіне: «Апа, енді мынау — сіздің ұлыңыз!» — деді.

²⁷Содан кейін шәкіртіне: «Енді осы кісі — сенің анаң!» — деді. Сол сәттен бастап шәкірті Исаның шешесін қамқорлығына алды.

²⁸Тиісті нәрселердің бәрінің түгел орындалғанын білген Иса бұдан кейін: «Мен шөлдеп тұрмын», — деді. Забурда алдын ала жазып қалдырылған бұл тәрізді сөз [15] де осылай іске асты.

²⁹Сол жерде сірке суына толы құмыра тұрған еді. Жасақшылар бір сорғышты сірке суына батырып алып, сайсағыз [16] бұтасының сабағына бекітіп, Исаның аузына тосты.

³⁰Иса сірке суын сорғаннан кейін: «Енді түгел орындалды!» — деді де, басын иіп, жан тапсырды.

³¹Бұл жұма күні, ал ертеңіндегі сенбі үлкен мейрам [17] болатын. Шегеленгендердің денелерін мейрам күні айқыш ағашта қалдыру яһудилердің діни ережелерін бұзу болып табылар еді. Сондықтан яһуди басшылары Пилатқа барып, шегеленгендерді аяқтарын сындырып өлтіріп, сүйектерін айқыштан алып тастауын өтінді.

³²Сонымен жасақшылар келіп, Исамен бірге шегеленген екі кісінің аяқтарын сындырды.

³³Алайда Исаның қасына келіп, Оның өліп қалғанын көрген соң, олар Оның аяқтарын сындырған жоқ.

³⁴Бірақ жасақшылардың біреуі Исаның бүйіріне найзасын сұғып алды. Сол заматта қан мен су шыға келді. [18]

³⁵Мұны көрген кісі [19] сендер де сенсін деп бұған куәлік береді. Оның куәлігіне сенуге болады, ол шындықты айтып тұрғанын біледі.

³⁶Киелі жазбалардағы мына тәрізді сөздердің осылай орындалуы тиіс еді: Оның ешбір сүйегі де сындырылмасын! [20] Бұл солай болды да.

³⁷Пайғамбарлар жазбаларының тағы бір жерінде: «Олар өздері түйреген Кісіге қарайтын болады» делінген. [21]

³⁸Бұдан кейін ариматеялық Жүсіп деген кісі Пилатқа барды. Жүсіп Исадан тәлім алған шәкірті болғанмен, мұнысын яһуди басшыларынан қорыққанынан [22] жасырып келген еді. Осы кісі Пилаттан Исаның мәйітін [23] айқыш ағаштан түсіріп алуға рұқсат сұрады. Пилат бұған келісті. Жүсіп барып, сүйекті айқыштан түсіріп алды.

³⁹Нікөдем де сол жерге келді. Ол мәйітке жағатын мүр мен алоэ шайырының жүз қадақтай [24] қоспасын әкелді. Нікөдем бұрын бір кезде түн ішінде Исаға келіп кеткен болатын. [25]

⁴⁰Екеуі яһуди халқының дәстүрлі салты бойынша мәйітке осы хош иісті қоспадан сала отырып, оны бәтес орауышқа [26] орады.

⁴¹Исаны айқышқа шегелеп өлтірген жердің маңында бір бақ болатын. Бақтың ішінде әлі ешкім қойылмаған бос қабір [27] бар еді.

⁴²Яһуди мейрамының қарсаңы [28] болғандықтан және қабір жақын тұрған соң, олар Исаның сүйегін соның ішіне апарып қойды.