Жохан 8:1-59 KZB2010 - Bible AI

¹Ал Иса Зәйтүн тауына қарай беттеген еді.

²Ертеңгісін Ол қалаға қайта оралып, ғибадатханаға барды. Сонда бүкіл жұрт Оның қасына жиналды. Иса отырған соң, оларға тәлім берді.

³Бірнеше дін мұғалімі мен парызшыл да осы жерге келді. Олар неке адалдығын бұзып жатқан жерінде ұсталған бір әйелді айдап әкеліп, ортаға тұрғызып қойды.

⁴Олар Исаға қарап:

⁴— Ұстаз, мына әйел неке адалдығын бұзған қылмысы үстінде ұсталды!

⁵Таурат заңында Мұса бізге мұндайларды тас лақтырып өлтіруді бұйырған. [1] Сіз бұған не айтасыз? — деді.

⁶Сол діндарлар Исаны сынап, айыптайтын сылтау табу үшін осыны айтқан еді. [2] Бірақ Ол еңкейіп, саусағымен жерге жазып, оларға көңіл бөлмеді.

⁷Әлгілер сұрай берген соң, Иса басын көтеріп:

⁷— Араларыңда кімде-кім күнәсіз болса, сол әйелге бірінші болып тас лақтырсын, — деп,

⁸тағы да еңкейіп, саусағымен жерге жазып отыра берді.

⁹Олар Оның сөзін естігеннен кейін ұялып, алдымен үлкендері, содан кейін басқалары бірінен соң бірі шығып кетті. Ал Иса ортада тұрған әйелмен оңаша қалды.

¹⁰Басын көтеріп, әйелден:

¹⁰— Әлгі айыптаушыларың қайда кетті? Саған ешкім үкім шығарған жоқ па? — деп сұрады. Ол:

¹¹— Ешқайсысы да, Мырза, — деп жауап берді. Ал Иса: — Мен де саған үкім шығармаймын. Бара бер, бұдан былай күнә жасаушы болма! [3] — деді.

¹²Иса тағы бір жолы халыққа сөйлеп отырғанда былай деді: — Мен дүние үшін Нұрмын. [4] Маған ерген кісі енді түнекте жүрмей, шынайы өмірдің Нұрына ие болады, — деді.

¹³Сонда парызшылдар Оған:

¹³— Сен Өзіңе-Өзің куәсің, сондықтан куәлігің жарамайды, — деді.

¹⁴Иса былай деп жауап берді:

¹⁴— Мен Өзіме-Өзім куә болсам да, куәлігім жарап тұр. Себебі Мен қайдан келгенімді, қайда баратынымды білемін. Ал сендер Менің қайдан келгенімді, қайда баратынымды білмейсіңдер.

¹⁵Сендер пенделік тұрғыдан үкім айтып тұрсыңдар, ал Мен ешкімге үкім айтып тұрған жоқпын. [5]

¹⁶Егер де үкім айтсам, үкімім жарар еді, себебі Мен жалғыз емеспін, Өзімді жіберген Әкеммен біргемін.

¹⁷Сендер ұстанған Таурат заңында екі адамның куәлігінің жарамдылығы туралы жазылған ғой. [6]

¹⁸Мен Өзіме куәмін, ал Мені жіберген Әкем де Маған куә. [7] —

¹⁹Әлгі парызшылдар: — Сендер Мені де, Әкемді [8] де білмейсіңдер. Егер Мені білсеңдер, онда Әкемді де білер едіңдер, — деп жауап қайырды.

¹⁹— Әкең қайда? — деп сұрады. Иса оларға:

²⁰Осы сөзді Иса ғибадатхананың қазынасы сақталатын қойманың жанында тәлім беріп отырғанда айтты. [9] Алайда Оны ешкім тұтқындаған жоқ, өйткені Исаның өз жанын қиятын уақыты әлі жетпеген еді. [10]

²¹Иса жиналғандарға тағы бір жолы тіл қатып былай деді: — Мен бұл жерден кетемін, сонда Мені іздейсіңдер. Ал сендер күнәларыңды арқалап өлесіңдер және Мен баратын жерге жете алмайсыңдар. [11] —

²²Сонда яһуди діндарлары бір-біріне:

²²— «Мен баратын жерге сендер жете алмайсыңдар» дегені Оның Өзін өлтірмек болғаны ма? — десті.

²³Иса оларға былай деді:

²³— Сендер жерденсіңдер, Мен көктенмін. Сендер осы күнәкар дүниенің адамысыңдар, ал Мен осы дүниелік емеспін.

²⁴Сондықтан да сендерге «күнәларыңды арқалап өлесіңдер» дедім. Өйткені егер Менің Сол екеніме [12] сенбесеңдер, күнәларыңды арқалап өлетін боласыңдар. —

²⁵Олар Исадан: — Сендерге әуел бастан-ақ не айтсам, Мен дәл Солмын. [13]

²⁵— Осы Сен кімсің? — деп сұрады. Иса:

²⁶Сендер туралы айтып, үкім шығаратын жайттарым көп. Бірақ Мені Жіберген — Хақ, [14] Одан естігендерімді дүниеге білдіремін, — деп жауап берді.

²⁷Олар Исаның көктегі рухани Әкесі туралы айтып тұрғанын түсінген жоқ.

²⁸Сондықтан Иса былай деді:

²⁸— Сендер көктен келген Билеушіні (айқышқа шегелеп) жоғары көтеріп қойған кезде [15] Менің Сол екенімді, әрі еш нәрсені өз еркіммен істемей, тек Әкем қалай үйретсе, солай сөйлейтінімді ұғатын боласыңдар.

²⁹Мені жіберген Әкем Өзіммен бірге. Мен әрқашан Оған ұнайтынын істейтіндіктен, Әкем Мені жалғыз қалдырмайды.

³⁰Иса осыны айтып тұрғанда, көптеген адамдар Оған сенді. [16]

³¹Сонда Иса Өзіне сенген яһудилерге былай деді: — Егер сендер айтқандарымды естеріңе сақтап, жүзеге асырсаңдар, шынымен Менің шәкірттерім боласыңдар.

³²Сонда ақиқатты біле түсесіңдер, ал ақиқат сендерді азаттыққа жеткізеді. [17] —

³³Олар:

³³— Біз Ыбырайымның ұрпағымыз, [18] ешқашан да біреудің құлы болған емеспіз! Қалайша бізге «азаттыққа жетесіңдер» деп айта аласыз? — деді.

³⁴Иса оларға былай деп жауап берді:

³⁴— Сендерге өте маңызды шындықты айтамын: кім күнә жасаса, сол — күнәнің құлы. [19]

³⁵Ал құлы емес, ұлы ғана қожайынның үйінде мәңгі қалады, себебі ұлы ретінде оның еркі бар.

³⁶Сонымен егер Құдайдың рухани Ұлы сендерді азаттыққа жеткізсе, [20] шынымен азат боласыңдар.

³⁷Сендердің Ыбырайымның ұрпақтары екендеріңді білемін. Алайда Мені өлтірмексіңдер, [21] себебі айтқандарыма жүректеріңнен орын бермедіңдер.

³⁸Мен Әкемнің көрсеткендері туралы айтып тұрмын, ал сендер өз түп аталарыңнан [22] көргендеріңді істейсіңдер. —

³⁹Сол яһудилер: — Сендер шынымен Ыбырайымның ұрпақтары болсаңдар, Ыбырайым секілді әрекет етер едіңдер.

³⁹— Біздің түп атамыз — Ыбырайым ғой, — деп жауап берді. Иса оларға былай деді:

⁴⁰Алайда Құдайдан естіген ақиқатты сендерге жеткізген Мені өлтіргілерің келеді. Ондай нәрсені Ыбырайым істеген жоқ.

⁴¹Сөйтіп сендер өз аталарың [23] не істесе, соны істеп жүрсіңдер.

⁴¹— Біз некесіз туғандар емеспіз! [24] Біздің бір ғана рухани атамыз бар, Ол — Құдай! —

⁴²Иса оларға былай деді:

⁴²— Рухани аталарың Құдай болса, сендер Мені жақсы көрер едіңдер. Өйткені Мен осында Құдайдан келдім. Өз бетіммен келген жоқпын, Мені Құдай жіберді.

⁴³Менің айтып тұрғанымды неге түсінбейсіңдер? Себебі Менің сөзімді естіп тұра алмайсыңдар. [25]

⁴⁴Сендердің рухани аталарың — әзәзіл шайтан. Соның құмарлықтарын орындағыларың келеді. Ол әуел бастан-ақ кісі өлтіруші болып келеді, ақиқат жағында тұрған да емес, өйткені онда ақиқат жоқ. Әзәзіл өтірікті өз болмысына сай айта береді, себебі ол — өтірікші, өтіріктің бастауы. [26]

⁴⁵Мен ақиқатты айтқандықтан Маған сенбейсіңдер.

⁴⁶Араларыңдағы қайсың Мені күнә жасадың деп әшкерелей аласың? Ал егер ақиқатты айтсам, [27] неге Маған сенбейсіңдер?

⁴⁷Кімде Құдайдың рухани өмірі болса, [28] сол Оның айтқандарына құлақ асады. Сендерде Құдайдың рухани өмірі болмағандықтан, Оның айтқандарына құлақ аспайсыңдар. [29]

⁴⁸— Самариялық екенсің, Сені жын соққан деп тұрғанымыз [30] дұрыс емес пе? — деп әлгі яһудилер Исаға тіл тигізді.

⁴⁹— Мені жын соққан жоқ! Тек Әкемді құрметтеймін, ал сендер Мені қорлайсыңдар.

⁵⁰Мен құрметке бөленуге тырыспаймын, ол жағын ойластыратын Әкем бар. Сендер мен Өзімнің арамыздағы төрелікті айтатын да Сол.

⁵¹Сендерге өте маңызды шындықты айтамын: Менің сөзімді берік ұстанатын кісі мәңгі өлмейді, [31] — деп жауап берді Иса.

⁵²Ал яһуди діндарлары Оның айтқанын түсінбей: — Ішіңде жынның бар екеніне көзіміз жетті. Ыбырайым да, пайғамбарлар да өлген, ал Сен «Менің сөзімді берік ұстанатын кісі мәңгі өлмейді» дейсің!

⁵³Әлде Сен өліп қалған түп атамыз Ыбырайымнан да құдіреттісің бе? Пайғамбарлар да өліп қалған. Өзіңді кіммін деп тұрсың? — деді.

⁵⁴Иса бұған жауап ретінде былай деді:

⁵⁴— Менің Өзімді құрметтеуім түк болмас еді; Мені құрметтеуші — өз Әкем. Сендер Оны «біздің Құдайымыз» десеңдер де,

⁵⁵Оны білмейсіңдер; ал Мен Оны білемін. Егер Оны білмеймін десем, сендер сияқты өтірікші болар едім. Бірақ Мен Оны білемін және Оның айтқандарын ұстанамын.

⁵⁶Түп аталарың Ыбырайым Менің дүниеге келетін күнімді көретініне шаттанды; ол сол күнді көріп, қуанды да. [32] — Әлгі діншіл яһудилер:

⁵⁷— Сен әлі елуге де келген жоқсың, Ыбырайымды көрдім дейсің бе? — деді.

⁵⁸Иса оларға былай жауап берді: — Сендерге өте маңызды шындықты айтамын: Ыбырайым тумастан бұрын да (Мәңгі) Бар Болушы Менмін! [33]

⁵⁹Сонда олар ашуланып, Оны тас лақтырып өлтіру үшін жерден тас алды. Бірақ Иса білдіртпей ғибадатханадан шығып кетті. [34]