Забур жырлары 109:1-7 KZB2010 - Bible AI

¹(Дәуіттің жыры.) Жаратқан Ие менің иеме [1] былай деп айтқан: «Мен жауларыңды табаныңның астына Салып бергенімше отыр оң жағымда».

²Жаратқан Сионнан билігіңді құрғызады сенің, [2] Енді жауларыңа да үстемдік жүргізесің,

³Сен патшалық құрған күні бағынады халқың. [3] Туғаннан-ақ киелі салтанат жамыласың, Күн сайын таң ата жаңаратын шық сияқты, Сен де ұдайы жасара түсетін боласың. [4]

⁴Жаратқан былай деп ант берген еді, Онысын ешқашан да өзгертпейді: «Сен Мәліксадықтай [5] діни қызметкерсің, Мәңгі сондай болып қала да бересің!»

⁵Жаратқан Ие сенің оң жағыңда тұрады, Қаһарланған күні Ол патшаларды ұрады,

⁶Халықтарды соттап, көп адамдарын жояды, Бүкіл жер бетінің билеушілерін соғады.

⁷Патша жолшыбай бұлақтан сусындап алады, Еңсесін көтеріп, жеңімпаз болып шығады.