Забур жырлары 126:1-5 KZB2010 - Bible AI

¹(Киелі үйге қарай өрлеп бара жатқанда айтылатын Сүлейменнің жыры.) Егер Жаратқан үйдің құрылысын жарылқамаса, [1] Құрылысшылардың еңбегі түгелдей зая. Егер Жаратқан Ие қаланы күзетпесе, Қарауылшылар босқа тұрады күзетте.

²Бекерге ерте тұрып, кеш жатасыңдар, Нандарыңды көп бейнетпен табасыңдар. Ал Жаратқан Ие сүйікті адамдарына Бейқам тыныштық сыйлайды жандарына. [2]

³Балалар — игілік Жаратқан Иеден келген, Перзенттер — Оның сыйы рақыммен берген.

⁴Адамның жас кезінде туған балалары Жебелері іспетті жауынгердің қолындағы,

⁵«Қорамсақтарын» солармен толтырған Кісілер қандай бақытты болған, Қарсыластарымен биге барғанда [3] Қалмайтын болады олар масқараға.