Забур жырлары 52:1-7 KZB2010 - Bible AI

¹(Ән-күйдің жетекшісіне арналған, «Ауыртпалық шегу» әуенімен айтылатын Дәуіттің насихат жыры.)

²Ақылсыз адамдар «Құдай жоқ!» деп ойлайды, Әбден бұзылған олар жексұрындық жасайды, Әрі ешқайсысы да жақсылық жасамайды.

³Құдай көктен көз салады адамзатқа: «Ақылды біреу бар ма бет бұратын Құдайға?» Деп байқайды Ол.

⁴Жоқ, бәрі тайып кетті теріс жолға, Жақсылық жасаушы ешкім жоқ, тіпті бір жан да.

⁴Әбден бұзылды бірігіп барлығы да.

⁵Сұмдық жасайтындар ақылға келмес пе екен? Халқымды олар нан жегендей жалмап кеткен, Құдайға сиыну ойларына еш түспеген.

⁶Ал оларды қорқыныш құрсаулайтын болады, Қауіп-қатер жоқ жерде үрейлері ұшады. Тап берген жауыңның сүйектерін Құдай шашады, Сен масқаралайсың Құдай бас тартқан оларды.

⁷Құтқару Сионнан келсе екен Исраилге! Құдай өз халқын тұтқыннан азат еткенде [1] Жақыптың үрім-бұтағы қатты қуанады, Иә, Исраил халқы шат-шадыман болады!