Зәкәрия 1:1-21 KZB2010 - Bible AI

¹Дарийдің (парсы патшалығына билік жүргізген) екінші жылының сегізінші айында [1] Жаратқан Ие Барақияхтың ұлы, Иддоның [2] немересі Зәкәрия пайғамбарға сөзін арнап былай деді:

²— Мен, Жаратқан Ие, сендердің ата-бабаларыңа қатты ашуланған едім.

³Сондықтан халыққа былай де: Әлемнің Иесі мынаны айтады: Кері бұрылып, Маған қайтып келіңдер! Сонда Мен де сендерге қайтып келемін, — деп уәде етеді Әлемнің Иесі. —

⁴Ата-бабаларың сияқты болмаңдар! Ежелгі пайғамбарлар оларға былай деп дауыстап ескертетін: «Әлемнің Иесі мынаны айтады: Зұлым жолдарыңнан қайтып, сұмдық істеріңді тастаңдар!» Алайда ата-бабаларың Маған құлақ салып, тыңдаудан бас тартты, — деп сақтандырады Жаратқан Ие. —

⁵Сол ата-бабаларың қазір қайда екен? Ежелгі пайғамбарлар да мәңгі өмір сүрген жоқ.

⁶Алайда Менің Өзіме қызмет етіп жүрген пайғамбарларым арқылы жеткізген сөздерім мен шешімдерім ата-бабаларыңның бастарына түсті ғой! Сонда олар теріс жолдарынан қайтып: «Әлемнің Иесі бізге жүрген жолдарымыз бен істеген істерімізге сай істеді. Ол қалай ниеттеніп, алдын ала айтқан болса, солай істеді», — деп мойындады.

⁷Персияға Дарий патшалық құрған екінші жылының он бірінші, яғни шебат, айының [3] жиырма төртінші күні Жаратқан Ие Барақияхтың ұлы, Иддоның немересі Зәкәрия пайғамбарға тағы да сөзін арнады. (Бұл туралы Зәкәрия былай деп баяндады:)

⁸Түнде мен жирен атқа мінген бір адамды көрдім. Ол аңғардағы жасыл бұталардың [4] арасында тұр екен. Оның артында жирен, торы және ақбоз аттарға мінгендер болды.

⁹Сонда мен: — Оның не екенін саған көрсетемін, — деді.

⁹— Мырзам, бұл не екен? — деп сұрадым. Менімен сөйлесіп тұрған періште маған:

¹⁰Сонда жасыл бұталардың арасында тұрған салт атты:

¹⁰— Бұлар Жаратқан Иенің жер бетін шолып келуге жіберген шолғыншылары, — деп жауап берді.

¹¹Салт аттылар Жаратқан Иенің жасыл бұталардың арасында тұрған періштесіне: [5] «Біз күллі жер бетін шолып шықтық. Бүкіл жер беті тыныш та бейқам тұрып жатыр», — деп баяндады.

¹²Осыдан кейін Жаратқан Иенің періштесі: «Уа, Әлемнің Иесі, осы өткен жетпіс жыл бойы Сен Иерусалимге және Яһуда елінің басқа қалаларына қаһарланып келдің. [6] Қашанға дейін оларға рақымыңды көрсетуден бас тартпақсың?» — деп өтінді.

¹³Сонда Жаратқан Ие менімен сөйлесіп тұрған періштеге мейірімді де жұбанышты сөздермен жауап қатты.

¹⁴Әлгі періште маған бұрылып, былай деді:

¹⁴— Сен мына хабарды жарияла: Әлемнің Иесі мынаны айтады: «Мен Иерусалим қаласын және Сион тауын зор ынтызарлықпен сүйемін.

¹⁵Ал бейқам тұрып жатқан сол елдерге қатты ашулымын. Себебі Мен халқыма едәуір ашуланған кезде олар оған тым көп зорлық-зомбылық жасады. [7] —

¹⁶Сондықтан Жаратқан Ие мынаны айтады: — Мен Иерусалимге мейірімімді төгу үшін қайтып келе жатырмын. Осы қалада Менің киелі үйім қайтадан салынып, құрылысшылар өлшеуіш жіптерін тартатын болады». — Әлемнің Иесі осыны уәде етеді.

¹⁷Тағы былай деп те жарияла: Әлемнің Иесі мынаны айтады: «Менің қалаларым қайтадан ағыл-тегіл дәулетке кенеледі. Мен, Жаратқан Ие, тағы да Сионды жұбатып, Иерусалимді Өзімнің қалам деп таңдап аламын».

¹⁸Мұнан кейін мен жоғары қарағанда, көз алдымда тұрған төрт мүйізді көрдім.

¹⁹Өзіммен сөйлескен періштеден: — Бұл мүйіздер Яһуданы, Солтүстік Исраилді және Иерусалимді бытыратып жіберген күшті елдерді білдіреді, — деп түсіндірді.

¹⁹— Мыналар не? — деп сұрадым. Ол маған:

²⁰Содан соң Жаратқан Ие маған төрт ұстаны көрсетті.

²¹Мен: — Әлгі мүйіз іспетті күшті елдер Яһуда халқын ешкім бас көтере алмайтындай етіп бытыратып жіберген еді. Бірақ мына ұсталар сол елдерді қорқытып, жерге құлатып құрту үшін келді.

²¹— Мына ұсталар не істейін деп жатыр? — деп сұрадым. Періште былай деп жауап берді: